Page 84 - MIN.TTC MARCH 9,2015

Aruba reconoci un biaha mas riba plataforma internacional

Publication: Monday, 9 March 2015. Categoria: General
Branding di Aruba cu Green ta dunando su frutonan

ORANJESTAD(AAN):Elogia pa su esfuersonan sin igual rib tereno di sostenibilidad, Aruba a
bira e ganado absoluto di e Premio “Destination Leadership” di e ‘Wold Legacy Awards
National Geographic’ e siman aki na ITB Berlin, e convention mas grandi na mundo riba tereno
di turismo.
Cuatro aña pasa Prome Minister Mike Eman, a expresa un ambicion masha special: Aruba a
pone como meta pa na 2020 e isla ta completamente sostenibel, un sociedad cu ta independiente
di petroleo. Un sociedad di cinco strea, tabata y ta e deseo di Prome Minister Eman.
Un sociedad sostenibel cu ta funciona riba energia berde, na unda crecemento economico ta sirbi
e bienestar di e hendenan. Con logra esaki?? Riba 31 di Maart 2014 Eman a presenta e vision aki
durante e prestigioso evento TEDxBinnenhof 2014 na Den Haag.
Dilanti algun di e mentenan mas briyante di Hulanda – y miyones cu tabata sigui e programa
rond mundo pa medio di internet – Premier Eman tabatin e honor di cera e programa. Na final e
audiencia den Ridderzaal a duna Eman un ‘standing ovation’. Nos ta invita boso pa wak su
presentacion riba Youtube y mira pakico el a haya e bravo aki http://youtu.be/a6WnG6b2JBA.
E esfuersonan riba tereno di sostenibilidad di Aruba a worde cubri pa Bloomberg TV, Wall
Street Journal Live, CNBC Power Lunch, CBS y otro canalnan di television nacional den
entrevistanan extenso cu Eman. Recientemente Prome Minister Eman a worde poni den centro di
atencion pa Presidente anterior Bill Clinton durante un top di e Americanan y poco despues el a
haya elogio di Vice Presidente Joe Biden durante e cumbre riba Energia na Washington DC,
unda e rol prominente di liderazgo di Aruba pa loke ta sostenibilidad a worde reconoci. Aruba ta
tambe e punto di enfoke cu su anual Green Conference cu expertonan mundial riba tereno di
energia berde y sostenibilidad como oradornan principal.