Page 28 - MIN VOS
P. 28
DIABIERNA AWO DVG TA CERA MERDIA
21/06/2017 Admin Uncategorized Leave a comment
ORANJESTAD, Aruba – 21 di juni 2017: En conexion cu celebracion di 100 aña di
salud publico na Aruba, Directie Volksgezondheid (DVG) ta informa tur cliente y
comunidad en general cu diabierna awo nan lo ta cera desde 12’or di merdia pa
publico. Lo brinda servicio na comunidad parti mainta so. Merdia ta cera pa
prepara pa celebracion di 100 aña di salud publico na Aruba.
Tene cuenta cu e orario adapta ta conta pa tur seccion resortando bou di
Directie Volksgezondheid.
Manera ta conoci, DVG a hunga un rol crucial den e 100 añanan di salud publico
riba nos isla, desde tempo cu a cuminsa na un forma primitivo, te cu awendia
unda a progresa y desaroya inmensamente den cuido medico na Aruba.
Dialuna e orario di trabou na Departamento di Salud Publico lo ta normal atrobe.
MIENTRAS DIFERENTE
DEPARTAMENTONAN TA PREPARANDO PA
MUDA ‘KWALITEITSDAG’ DI HOSPITAL
ENFOKA RIBA TRANSFORMACION
21/06/2017 Admin Uncategorized Leave a comment
ORANJESTAD, Aruba: Den Hospital e “kwaliteitsmedewerker” hunto cu e
zorgmanager tin un rol proactivo den e areanan di calidad y siguridad riba e
afdeling. E kwaliteitsmedewerker t’ey pa yuda su coleganan den esaki ya cu e ta
esun cu tin mas experiencia y training. Tambe e ta proteha e calidad y ta stimula
su coleganan pa ta consciente pa a lo largo e pashent haya mas miho cuido.
Hospital ta organisa e encuentro aki 4 biaha pa aña y e ta tuma luga henter dia,
di cual tin 90 kwaliteitsmedewerker den Hospital, asina sra. Cheryl Rosa-Fingal,
manager di departamento di ‘Kwaliteit en Veiligheid’ a remarca.
Semper un dia asina tin un tema specifico y e kwaliteitsmedewerker tambe ta
haya cierto training y tareanan cu mester haci hunto cu nan zorgmanager y
coleganan. Principalmente e idea ta pa haya sa kico ta e risiconan mas
importante y si tin otro maneranan di traha mas efectivo pa mehora e calidad di
