Page 32 - MIN VOS

E problema grandi ta sinta cu na Aruba falta

sala di operacion

- Advertisement -

Minister Schwengle riba doctornan di wowo

ORANJESTAD (AAN): Dokter di wowo ta un problema keto bay. Tin un lista largo di

espera pa dokter di wowo. Por a scucha hende ta reclama cu tin lunanan largo ta
warda.Segun minister di Salubridad, dr. Alex Schwengle, e solucion ta bay ta, loke ta
bay tarda pa logra pa alarga tempo di operacion, pasobra esey ta e problema. Tempo
pa opera. Tin suficiente dokter y ta short uno, cu ta bayendo pa haci un extra opleiding

pa e por tin su cirugia completo. E ora ta bay tin 4 docter di wowo cu por opera.Esey no
ta e problema e ora. E problema grandi ta sinta cu nos falta sala di operacion. Na
momento cu tin 9 sala di operacion, no ta bay tin wachttijden mas. Ta un problema
structural cu bo no ta resolve door di busca 10 oogarts mas. Por busca 10 dokter di

wowo, por ta e citanan ta bay mas lihe, pero e tempo di espera ta keda mesun cos.
Esaki no ta existi di awo, pero di hopi tempo y cada biaha cu tarda pa haci e
inversionnan necesario, e consecuencia ta cu e tempo di espera ta bira cada biaha mas
pio. E populacion ta keda crece, tin hopi diabetes, hopi complicacion, etc.

Solucion

Segun minister Schwengle, awor aki ta buscando un reemplaso temporal pa docternan
di wowo. Na momento cu tur 4 dokter ta in place, supuestamente e citanan ta bay mas
lihe. Tin biaha tambe pa no organisa nan practica.