Page 58 - Min Soc, 30 April 2015
P. 58
Paul Croes: Resultadonan Estudio Nacional di Hubentud
conoci
W ednesday, 29 April 2015 18:12
Comparti
Den un encuentro entre Minister di Asuntonan Social, Hubentud y Labor drs. Paul Croes y Profesor Ryan
Peterson di Universidad di Aruba e resultadonan preliminar di e estudio nacional riba norma y balornan
di hobenan di Aruba a keda presenta.
E investigacion aki a wordo conduci pa Universidad di Aruba ariba peticion di Minister Paul Croes desde
Augustus 2014. Minister Paul Croes a pidi Universidad di Aruba pa hasi un estudio/investigacion
independiente riba "Norma y Balornan di Hubentud di Aruba". Meta principal di e estudio aki tabata pa
apoya varios sector na Aruba e.o Husticia, Social, Laboral, Turistico, Comercial y di Educacion den crea
maneho y programanan pa nos hobenan di Aruba. E estudio aki a keda cla y Minister Paul Croes tabata e
prome pa haya e resultadonan preliminar. Un investigacion cu a inclui mas di 2100 encuensta hasi bao di
hobenan entre 15 y 30 aña di edad. E grandura di e "sample" aki ta hopi representativo. Esaki ta e prome
investigacion di e embergadura aki hasi na Aruba y henter nos sociedad por saca probecho di e
conclusionan di e estudio scientifico aki. Hobenan di Universidad di Aruba a ehecuta e investigacion aki
den un forma hopi eficiente y profesional. Resultadonan preliminar ta demostra cambionan den norma y
balornan di hobenan di Aruba. E resultadonan aki ta indica un cambio den mentalidad y sentimento di
nos hobenan compara generacionan anterior. E cambionan den interes di nos hobenan ta bisto. Den
terminonan general nos hobenan di Aruba ta hobenan positivo, cu necesidadnan distinto. "Nos por nota
un cambio den locual nos hobenan ta mira como importante awendia. E comportacion y desicionan di
hobenan ta bira mas comprendibel despues di e estudio importante aki. Tambe e rol di Social Media ta
hopi importante den e actitud di nos hobenan", tabata un reaccion corto di Minister Paul Croes. A keda
palabra cu lo presenta e resultado di dicho estudio na e sector social y educacional, na Conseho di
Minister, Parlamento di Aruba y lo continua cu un programa cu lo inlcui partnernan comercial y otro
sectornan importante den nos pais. E estudio aki ta e prome di e embergadura aki pa nos pais y sigur lo
por contribui na yega e meta cu ta crea lidernan den nos sociedad bao di nos hobennan. Dia 2 di Mei
benidero Universidad di Aruba lo inicia e proceso di hasi conoci e resultadonan di e estudio aki.
http://www.24ora.com/politica-mainmenu-18/94637-paul-croes-resultadonan-estudio-nacional-di-
hubentud-conoci
conoci
W ednesday, 29 April 2015 18:12
Comparti
Den un encuentro entre Minister di Asuntonan Social, Hubentud y Labor drs. Paul Croes y Profesor Ryan
Peterson di Universidad di Aruba e resultadonan preliminar di e estudio nacional riba norma y balornan
di hobenan di Aruba a keda presenta.
E investigacion aki a wordo conduci pa Universidad di Aruba ariba peticion di Minister Paul Croes desde
Augustus 2014. Minister Paul Croes a pidi Universidad di Aruba pa hasi un estudio/investigacion
independiente riba "Norma y Balornan di Hubentud di Aruba". Meta principal di e estudio aki tabata pa
apoya varios sector na Aruba e.o Husticia, Social, Laboral, Turistico, Comercial y di Educacion den crea
maneho y programanan pa nos hobenan di Aruba. E estudio aki a keda cla y Minister Paul Croes tabata e
prome pa haya e resultadonan preliminar. Un investigacion cu a inclui mas di 2100 encuensta hasi bao di
hobenan entre 15 y 30 aña di edad. E grandura di e "sample" aki ta hopi representativo. Esaki ta e prome
investigacion di e embergadura aki hasi na Aruba y henter nos sociedad por saca probecho di e
conclusionan di e estudio scientifico aki. Hobenan di Universidad di Aruba a ehecuta e investigacion aki
den un forma hopi eficiente y profesional. Resultadonan preliminar ta demostra cambionan den norma y
balornan di hobenan di Aruba. E resultadonan aki ta indica un cambio den mentalidad y sentimento di
nos hobenan compara generacionan anterior. E cambionan den interes di nos hobenan ta bisto. Den
terminonan general nos hobenan di Aruba ta hobenan positivo, cu necesidadnan distinto. "Nos por nota
un cambio den locual nos hobenan ta mira como importante awendia. E comportacion y desicionan di
hobenan ta bira mas comprendibel despues di e estudio importante aki. Tambe e rol di Social Media ta
hopi importante den e actitud di nos hobenan", tabata un reaccion corto di Minister Paul Croes. A keda
palabra cu lo presenta e resultado di dicho estudio na e sector social y educacional, na Conseho di
Minister, Parlamento di Aruba y lo continua cu un programa cu lo inlcui partnernan comercial y otro
sectornan importante den nos pais. E estudio aki ta e prome di e embergadura aki pa nos pais y sigur lo
por contribui na yega e meta cu ta crea lidernan den nos sociedad bao di nos hobennan. Dia 2 di Mei
benidero Universidad di Aruba lo inicia e proceso di hasi conoci e resultadonan di e estudio aki.
http://www.24ora.com/politica-mainmenu-18/94637-paul-croes-resultadonan-estudio-nacional-di-
hubentud-conoci
