Page 11 - MIN TTC 27 JUNI 2015
P. 11
AWEMainta Diasabra, 27 Juni 2015 5
Otro proyecto maritimo grandi pa Aruba
Nos isla ta preparando pa yama
e barco “Pacific Mistral” bon bini
DIAHUEBS mainta Minister Otmar Oduber a wordo
informa dor di Director di Directie Scheepvaart Aruba cu
Directie Scheepvaart Aruba y oficina di Havenmeester
a sigura un otro proyecto grandi pa Aruba.
E barco Pacific Mistral ta un drillship super moderno y
nobo.
E barco tabata operando na Brasil contrata p’e compania
Petrobras y awor cu trabounan a caba na Brasil a dicidi
pa keda den Caribe “awaiting orders”.
Directie Scheepvaart conhuntamente cu Dammers
Group of Companies di Corsou a aserca e doñonan di e
barco, cu ta Pacific Drilling di Houston, Texas, pa sondea
e posibilidad pa nan usa Aruba pa staciona e barco.
Directie Scheepvaart y Havenmeester a logra convence
Pacific Drilling diahuebs mainta.
Pacific Mistral lo ta na Aruba pa un aña inicialmente.
Esaki ta nifica na anker gelden alrededor di 170 mil
florin.
E barco lo tin 15 pa 20 miembro di tripulacion abordo
y ta calcula cu lo drop entre 400 mil pa 600 mil florin
na Aruba. N’e momentonan aki Directie Scheepvaart y
Dammers-Group of Companies ta negociando cu Pacific
Drilling pa ubica un di dos drill ship, Pacific Meltem, na
Aruba.
Si esey logra ta kere cu Aruba por genera rond 1 miyon
florin na ingreso.
E proyecto aki a sigui esun exitoso di e compania
Hulandes Seaway Heavy Lifting cu ainda ta tumando
lugar n’e veld di gas “Perla” pa zuid di Aruba den awanan
Venezolano.
E proyecto aki ya caba a genera alrededor di 2.8
miyon florin na servicionan cumpra na Aruba manera
carrentals, taxis, hotels, cuminda, gastonan portuario
etc.
Minister Oduber ta hopi contento cu e raport Maritieme
Toekomst van Aruba a cuminsa duna frutonan asina
liher.
Tambe Minister Oduber ta hopi contento cu e cambionan
positivo cu a tuma lugar na Directie Scheepvaart.
E vision pa crea un pilar economico di e sector maritimo
ta mustrando dia pa dia mas factibel.
“Mi ta felicita tur cu ta trahando na Directie Scheepvaart
pa e bon trabou”. Pacific Mistral lo ta ancra awe diasabra
den e area di mantencion di Aruba. 
