Page 14 - MIN TTC 27 JUNI 2015

AWEMainta Diasabra, 27 Juni 2015 13

Lider di MEP, Evelyn Wever-Croes

Celebrando Dia di San Juan cu nos grandinan na Yaburibari

LIDER di MEP, Evelyn

Wever-Croes a celebra Dia di
San Juan cu nos grandinan
na Yaburibari. P’e ocasion
aki Evelyn Wever-Croes a
regala tur nos grandinan
un flanel di Dera Gai, y
den oranan di mainta a
pasa un rato ameno cu nan
combersando y te hasta
bailando.

“Nos grandinan a traha
pa construi e dushi pais
cu nos ta biba riba awor,
y cualkier momento cu mi
haya chance pa duna nan
atencion, mi ta haci’e. Nos
ta celebra Dera Gai, un
tradicion importante pa
nos na Aruba. Aki na Aruba
hopi ta gusta tradicion di
otro pais, pero nos ta stima
nos propio tradicionnan,
y ki mas bunita cu celebra
esaki cu nos grandinan”
tabata palabranan di lider
di MEP Evelyn Wever-Croes
na Stichting Thuiszorg
Yaburibari
Sigur un bunita gesto di
lider di MEP siman pasa
na Maristella y e siman aki
na STA na Yaburibari y por
a nota cu nos grandinan
a keda hopi contento cu e
gesto aki.