Page 22 - MIN RICHARD ARENDS

2 AWEMainta Diaranson, 23 Augustus 2017
Aparentemente cu un opinion mixto
Huez di LAR a duna un
veredicto mitar-mitar den
di 3 Hindervergunning pa
construccion di molinanan
di biento na Unirama
HABITANTENAN, kendenan a bin cu varios argumento pa
expresa nan obheccion contra e di tres hindervergunning pa cu
construccion di molinanan di biento na Unirama.
Di acuerdo cu Amigoe, tabata ayera mainta, cu Huez den Corte
di LAR a bin cu un veredicto mixto contra di e permiso duna pa
Minister di Husticia mr. drs. Arthur Dowers pa duna permiso di
construccion di e di 3 parke di molina di biento.
Pa algun punto so, e habitantenan a haya razon den nan obhec-
cion. No ta conoci ainda, si e permiso duna lo keda mescos of lo
haci cambio. E habitantenan tin 6 siman pa apela e veredicto aki.
Ta 11 habitante di e bario unda Gobierno tin intencion di con-
strui e di 3 parke di molina di biento, a traha nan obheccion
di varios punto, pero Huez no a reconoce tur e puntonan aki.
Abogado mr. Mirjam Malmberg a representa e habitantenan aki.
Un di e personanan cu a duna su comentario ta meramente
lider di MEP, Evelyn Wever Croes, kende a representa un di
e habitantenan, den su prome reaccion a laga sa cu Huez no a
tene cuenta cu nan obheccionnan. Sigur nan lo apela, ademas a
laga sa cu e parke di Molina di Biento di Unirama no por haya
vergunning, pasobra ainda e tereno no a ser duna na erfpacht y
fuera di esey no tin ainda un bouwvergunning. Como tal mucho
cos no por logra cu e veredicto aki.
Ta for di 2011, Gabinete di Mike Eman a anuncia construccion
di e parke aki, net patras di Kapel di Alto Vista. Ta for di e tempo
ey, habitantenan a bin ta bringa e posibilidad pa dicho parke ser
construi, pa cual tabatin varios accion e.o. di coleccion di masha
firma cu tin obheccion contra di dicho parke di molina di biento.
Parlamentario Melvin Tromp
Parlamentario a traha pa
Ministerio Publico pa ex
Minister y awor e ta su lider
E debate politico di siman pasa organisa pa KvK, a trece hopi claridad
pa pueblo votador sigur ora cu algun politico cu a participa, ta presenta
un vision pa loke ta maneho di husticia, pero ta lubida cu nan mes no
a sostene ningun presupuesto pa husticia ora cu a inverti miyones extra
pa e departamento aki den e lucha contra criminalidad.
Parlamentario Melvin Tromp di fraccion di AVP ta mustra cu e falta di
seriedad aki tin cu wordo denuncia, ya cu ora nos ta papia di gobernacion
di e pais, tin cu papia cu seriedad, cu sentido serio di responsabilidad
y no hunga tipo di weganan politico sin sentido trociendo nan propio
berdad.
“Ora cu nos scucha gritonan manera p.e. di Andin Bikker, lider di De-
mocracia Real ainda como miembro di Parlamento, pero number dos
riba lista di POR, bisa cu el a bari maneho di Minister di Husticia for
di mesa, e ta pone nos pensa cu tin hende ta come y lubida masha liher.
Bikker a pronkia c’un buki cu ta e plan di maneho di su lider nobo di
POR, bisando cu e tin solucion pa nos pais pa loke ta criminalidad.
Sinembargo aki pueblo mester wordo recorda cu na 2016 ta mesun
sr. Bikker aki, a yuda un miembro di prensa local, traha un carta cu
denuncia contra di su actual lider di POR, ya cu e ta kere cu loke su
lider cu e tempo ey tabata Minister, a actua contra ley y e ta kere cu
por inicia un proceso legal contra di su actual lider.
Awor Bikker ta para den un debate cu documento hinca den otro pa
mesun ex Minister aki, elogiando su vision pa maneho di husticia, y
indicando cu t’e prome documento cu tin pa loke ta maneho di hus-
ticia, lubidando por completo cu nunca el a duna sosten na cualkier
presupuesto di husticia caminda a pone placa extra pa husticia.
Bikker hunto cu e otro fraccion di oposicion semper a trata di uza e
situacion di criminalidad como arma politico y pa parce cu nan no kier
laga esaki los tampoco, siendo cu Minister di Husticia su maneho ta
un di esnan cu mas a inverti den husticia y cu mas caso a wordo resolvi
pa e bon trabou di nos Cuerpo Policial.
E falta di seriedad aki ta algo cu Andin Bikker ya a demostra caba ora
cu algun luna prome cu e ta cuestiona su lider actual cu el a haci un
peticion pa un pida tereno bisando cu e.o. un hende cu ta gusta mangel
no por cuida mangel y awor e ta forma parti di mesun persona aki cu
tabata comiendo e mangelnan na cual e tabata referi.
E tipo di mentalidad aki simplemente ta inaceptabel, sigur ora cu un
politico ta pretende di kier forma parti di gobernacion di nos pais y
awor hasta a cuestiona e hecho cu un instancia local a duna di regalo
cu tabata vestnan anti bala na Cuerpo Policial, cu sin duda tabata un
regalo di aplaudi y ta hendenan cu realmente ta mira e balor di e de-
partamento policial.
Mester tin mas seriedad cerca politiconan di oposicion sigur ora cu
den e debate di siman pasa, Minister di Husticia a haya 30 seconde pa
duna informacion riba un maneho di 8 aña cu a wordo hiba pa Gobi-
erno di AVP caminda mas cu nunca den historia di nos pais, a inverti
asina hopi den maneho di husticia di nos pais,” Parlamentario Melvin
Tromp a mustra.