Page 70 - KPA - JULI 6,2015

Doño ta mirando claramente via Internet con ladron ta
hortando den Automaxx

Publication: Monday, 6 July 2015. Categoria: Policial
Caso di Diasabra madruga na Paradera

ORANJESTAD (AAN): Tabata Diasabra madruga algo prome cu 1:00 am, cu motion-detectors
den negoshi di Automaxx na Paradera a activa. Esaki mesora a manda e señal pa e doño, cu
inmediatamente a cende su Smartphone, y via di Live-streaming, riba cameranan instala den e
negoshi, e tabata mirando 3 hoben ta hortando.
Inmediatamente el a contact Polis pa raporta loke ta pasando, y cu e momento ey ainda e
ladronnan ta den e negoshi. E ta mira claramente cu e tres hobennan ta enbusca di algo specifico
den e seccion di Auto Parts.
Sinembargo e Alarma a cuminza sona, y esaki a pone e hobennan bay den panico. Nan a core
sali, lagando e.o. un Iron Cutter atras, fuera algun Florin larga. E hobennan aparentemente a
trata di bay bek na pia pa nan auto cu nan a laga atras banda di Salina Department Store, pero ora
a tende sirena di Polis ta acercando, nan a core na pia pasa patras di Hong Kong Supermarket,
sigui pa Morning Supermarket, y sigui bay zuid.
Polisnan a yega y a cuminza busca rond. Diripiente Polis a haya informe, cu testigonan a mira un
hende subi dak di Anytime Restaurant. Pensando cu lo por ta e ladronnan, mesora Polis a
rondona e lugar y area. Pero a haya nada.
Pa colmo, den ausencia di Polis, dos di e hobennan a logra yega bek na e auto dilanti Salinas, y a
baha na awa cune. E hobennan cu a comete esaki lo ta di area di Paradera of Jaburibari mes.