Page 75 - KPA - JULI 6,2015

Polis di Playa a muda pa ex edificio di DIMAS

Publication: Monday, 6 July 2015. Categoria: Policial

ORANJESTAD (AAN) Den e dianan aki por a nota un cantidad di auto di polis bek dilanti e
warda di polis na Playa. Esaki no ta debi cu e warda grandi ta cla of apto pa ricibi su
departamentonan bek.

Den combersacion cu bosero policial Lito Lacle, el a splica cu e edificio den cual DIMAS tabata
situa a bira bashi. Mirando cu den pasado ya caba nan tabata uza e facilidad aki, a haci un
peticion pa ubica parti di nan servicio den e edificio aki, pero cual mester a wordo renoba prome.

Pero entrante prome di juli, el a splica, nan a bira operacional na e edificio dilanti loke tabata nan
ward bieu. Tur e departamentonan of servicionan cu tabata wordo duna na e edificio bieu awor ta
ubica den e ex edificio di DIMAS. Ta papia aki di seccionnan manera KZP, Patruya di Playa, SV
(Seccion di Vergunning).

Un otro cambio ta cu entrante prome di juli tambe seccion di trafico ta muda bek pa Warda di
Balashi, a haci esaki pa e seccion di trafico keda den un area central di Aruba. “Cuerpo Policial
ta kere cu e sitio aki ta mas practico pa brinda servicio y a dicidi di pone e seccion den e warda
aki,” Lacle a informa.

Esnan cu kier tuma contacto cu warda di polis na Playa mester yama 527-3140 pero mester corda
cu esaki ta un number temporal te ora cu SETAR logra pone e number bieu 524000 na e ex
edificio di DIMAS tambe. Pa cualkier asistencia, mester sigui yama 100. Pues esaki ta nifica cu
Polis no ta ubica mas den JUDRA Building na Dakota.
E ubicacion aki, segun nos por a compronde for di bosero policial, ta temporal. “E deseo ta pa
nos haya un edificio mas grandi, espacioso, pa Playa, y nos ta spera cu Gobierno tuma e decision
aki.” El a bisa tambe cu e Cuerpo ta creciendo y ta nifica cu sigur nan lo mester di mas espacio
pa nan ta miho acomoda.

http://www.diario.aw/2015/07/polis-di-playa-a-muda-pa-ex-edificio-di-dimas/