Page 13 - ARUBA BANK

Caribbean Mercantile Bank lo ta participando den Business
Plaza diasabra awo

Tuesday, 27 June 2017 09:42
Comparti

Diasabra awo lo bay tin un otro Business Plaza organisa pa Camara di Comercio y Caribbean Mercantile
Bank lo ta participando den esaki pa yuda negoshantenan nobo, of esnan cu tin idea pa habri un negoshi
nobo, por haya mas informacion con pa haci esaki y tambe habri un cuenta di banco.

Armin Solognier ta senior business developer di Caribbean Mercantile Bank y ta felicita na prome luga
Sonja Velthuizen y Ernst Mohamed cu un otro Business Plaza mas. E ta un idea cu CMB tin algun biaha
caba ta sostene. E biaha aki Solognier a gradici nan pa duna e oportunidad pa ta e main sponso di un otro
Business Plaza. E rol den Business Plaza di e biaha aki kier presenta un di e struikelblok, pa habri un
negoshi of cuminsa un negoshi su semper tabata voor pa habri cuenta, etc. Ta bay tin un ehecutivo di e
banco, cual lo duna un presentación di kico tur ta necesario y ki tur ta e idiosincracia ora di habri un
cuenta na banco. Hopi biaha ta tende con dificil e ta of no pa habri un cuenta. E ta negoshi di e banco pa
habri un cuenta. Mas cuenta banco tin, miho. No ta zomaar ta bay bisa of haci’e extra dificil pa habri un
cuenta. Ta cumpli cu regla y cumpli cu regulacionnan cu tin y asina por habri cuenta pa e clientenan. E ta
negoshi di e banco pa habri mas cuenta cu ta posibel pa cliente. Semper nan ta welcome, pero ta splica
tambe kico ta e rekisitonan of kico ta e documentonan cu tin mester.

Esey ta bay duna un splicacion di dje diasabra y ta spera cu por yuda esnan riba e dia eynan pa haci’e mas
facil. CMB ta invita tur hende cu tin idea nobo, cu tin un negoshi nobo cu cuminsa riba nan mes, pa
registra y participa na e business plaza dia 1 di Juli, diasabra awo. Backup CMB ta ofrece diferente
solucion pa diferente tipo di negoshi y tambe na unda abo ta den bo entrepeneurship of den bo negoshi.
Lok ta esencial y no ta prome biaha ta haci’e, tin un klas riba business plan y ta esencial. Podise e parti
eynan ta un cu ta wordo overlooked hopi biaha door di entrepeneurnan nobo of hoben. Te hasta esunnan
di mas edad tambem, pero ta e parti di mas esencial cu mester ta parti di e pakete ora cu ta cuminsa cu
un negoshi. Pa hende por compronde bo idea, sa unda bo ta para, kico ta bo plannan pa futuro, con bo tin
pensa di mercadea bo producto, con bo tin pensa di tackle bo solvancy. Tur e cosnan aki ta hopi
importante ora di presenta bo plan di negoshi, segun Solognier. Unda cu bo yega pidi un inversionista,
bo no por djis cont’e di bo idea. Bo mester tin’e bon hinca den otro y bon presenta tambe, segun
Solognier.