Page 14 - ARUBA BANK

For di mainta lo ofrece desayuno di diferente pais. “Representantenan di diferente pais
ta uni riba e gran dia aki, pa asina ofrece tur esnan presente, for di mainta caba dushi
pasaboca. Nos tin, entre otro, paisnan manera Bonaire, Colombia, Venezuela, Italia,
Republica Dominicana, Filipinas, y sigur Aruba lo ta presente”, sra. Croes a indica.

El a agrega cu ademas lo tin diferente grupo y bandanan musical, cu ya nan a confirma
nan presencia. “Entre otro, nos tin Etty Topenberg, Jersey Sophia, Tsunami, Papito y
Biba Lekker Band, Rincon Boys, Caha di Orgel Nos Ambiente, di señor Nelson Sprok y

tambe Robert y su Solo Banda Show. Fuera di nan tin DJ Arwin y DJ CVD. Tur a
confirma caba cu lo tey pa pone ambiente, pa nos por ta den un dushi momento,
comparti cu otro, na unda cada hende ta haya oportunidad pa contribui y forma parti di
e renovacion di Misa Birgen di Fatima”, sra. Croes a duna di conoce.

Lo tin diferente forma pa comunidad haci su aporte, sea efectivo, swipe, of riba cuenta
di banco di “Telethon Misa Birgen di Fatima” na Aruba Bank y CMB.

Ya caba movecion pa cuminza renova e misa a inicia. Ya e bankinan a bay den
container, y esaki ta trece hopi alegria y emocion, sra. Croes a subraya, pasobra e
momento a yega y tin mester di cooperacion di pueblo di Aruba pa realiza e proyecto
bunita aki. El a expresa cu Misa di Fatima ta di nos tur y no di bario di Dakota so, y e ta

spera comunidad yuda haci di e evento aki uno magnifica pa Gloria di Dios.

Suma pa renovacion di Misa di Fatima a

subi considerablemente