Page 25 - HOSPITAAL

Un gasto hopi preocupante ta e gastonan di Hospital cu a alcansa 164 MIYON . Di
acuerdo cu un presentacion recien di Hospital a wordo splica cu 91% di e gastonan total
di Hospital ta wordo paga pa AZV.

Alaves awor mester cuminsa paga pa e proyecto nobo di Hospital cual desde 2019
Aruba lo tin un gasto agrega di 30 MIYON pa 29 aña largo. Algo mester wordo haci y
algo mester bay pasa.

Endy Croes ta splica cu siguramente mester busca un solucion pa AZV, uno sostenibel y
duradero. Manera cos ta awor nos ta cargando awa hiba lama of crioyamente bisa nos
ta mop cu e cranchi habri.

Lo haci un estudio rapido si en realidad nos por keda carga esaki di e forma cu e ta
awor. Di acuerdo cu e ley actual na momento bo inscribi na Censo bo tin derecho riba
AZV.

E parlamentario ta bolbe bisa cu su propio yiunan, na momento cu nan a bay studia na
Hulanda y otro na Merca, prome cos cu e mes mester a haci ta cumpra un seguro pa
nan. Bisando esaki e kier acentua cu no ta mira e sentido pa sigui cu AZV na e manera
cu e ta awor y lo propone pa bay Parlamento y haci algun ahuste den e ley.

Ta bon pa revisa esaki un rato y trece solucionnan practico. No mester reinventa e wiel.
E idea di AZV ta uno noble pero si nos no tuma decisionnan al caso awor nos yiunan y
nos futuro generacion lo sufri kisas sin un seguro y lo punta dede bek riba nos di no

tabata tin e madurez politico pa tuma decisionnan importante na bienestar di un y tur.

Den e dianan nos dilanti lo acelera e proceso aki di tuma tur informacion di AZV y
intercambia ideanan cu expertonan pa asina por haci un proposicion pa yuda sanea e

situacion. “Nos lo keda vigila AZV hopi di cerca”, a expresa.