Page 7 - Bon Dia Aruba 9 May 2015

A6
CORTEDiasabra 9 Mei 2015
Continuacion di
pagina 5
El a mustra Juddan e potretnan. Polis y tambe den Corte di
Juddan a expresa cu e tin duele a hinca V. Ariba e video por
di loke el a haci.
Exigencia di fiscal
Fiscal a bisa cu e ta haya
legalmente proba cu Juddan
a purba mata V. Na opinion
di Fiscal, Juddan a admiti na
mira claramente cu el a haci
dos movecion di hinca. Na
opinion di Fiscal, e ta kere cu di Fiscal, Juddan ta bisa cu el no por uza como excuus cu
dos biaha Juddan a hinca V.
Den auto tabatin tres persona
sinta pero door cu glasnan ta
getint, no por a mira kende
nan ta. V. tabatin suerte cu el mustra cu segun psychiater,
a wordo atendi na tempo sino
e por a fayece. Na opinion
a spanta V. pero si hinca un Juddan tabata bou influencia
hende cu cuchiu grandi na
bariga, e chens ta grandi cu a uza droga y bebe y ningun
e persona por muri. Fiscal a hende a force. Fiscal a exigi 5
Juddan ta responsabel pa su
actonan. Fiscal a remarca cu
di droga y alcohol. Ta e mes
aña di prizon.
Abogado
Abogado mr. Caster a keda
asombra di e exigencia. Mr.
Caster a bisa Hues cu na
su opinion, no por papia di
intento di mata. El a splica cu
Juddan ta biba na San Nicolas
y a bay Oranjestad caminda el
a topa C., kende a ofrece pa
dal un ronchi den auto. Den
auto a huma marihuana y bebe
alcohol. Na altura di Aldo
Travel, C. lo a bisa cu V. lo
debe placa di droga. E otronan
den auto a bisa Juddan pa ataca
V. cu cuchiu. E abogado ta kere
cu Juddan kier a demostra cu e
no tin miedo y el a bay riba V.
y a hink’e cu cuchiu. Despues
di esaki, C. a core bay cu auto
y laga Juddan atras.
E abogado a bisa Hues cu e
ta haya cu no por kere den
declaracion di C. y cu e
declaracion ta yen di cos cu no
ta cuadra cu e berdad. No ta
berdad cu Juddan tabata sinta
dilanti sino patras. E auto no
a para meymey di caminda
manera C. a bisa sino na banda
y ta despues cu Juddan a hinca,
el a core bay y no manera C.
ta bisa cu el a baha Juddan
y core bay. Na opinion di e
abogado, C. ta purba gaña pa
laga mustra cu e no tin nada di
haci cu e caso. Ta door di e uzo
di droga y alcohol, Juddan kier
a demostra cu e por tur cos.
Psychiater tambe ta confirma
esaki. El a bisa cu si Juddan
no tabata bou influencia
di droga y alcohol, e lo no
ataca e persona. Mr. Caster a
bisa Hues cu e no ta haya cu
Juddan tabatin intencion di
mata. Ta door di insistencia di
esunnan den e auto, e tabata
kier pa spanta e persona. El a
mustra cu segun ley, Juddan lo
mester tabata sa di su accion y
e consecuencia pa por papia di
acto intencional. E ta haya cu
Juddan a wordo uza door di e
otronan, pa ataca V.
E abogado a mustra tambe cu
for di e rapport medico, no por
conclui cu ta trata di herida
severo. Tampoco e rapport
ta papia di cu e hinca a afecta
organonan vital di e victima,
cu ta pone bida di e victima
na peliger. Na opinion di mr.
Caster, mester declara Juddan
liber di e acusacion intento
di mata. El a splica Hues cu
Juddan tabata algun tempo
na Venezuela pa problema di
adiccion. Mama di Juddan,
a purba pone bou curatela.
Psychiater ta mustra cu e
rehabilitacion ta urgente. El a
remarca cu Fiscal no ta acusa
Juddan di maltrato di arma.
El a pidi Hues pa tene cuenta
cu tur situacion y condena
Juddan igual na loke el a sinta
caba y bou guia di Reclasering.
Hues a cera tratamento di e
caso y a bisa cu e lo bay studia
e caso y dia 29 Mei pa 8.15 lo
tin sentencia.q