Page 16 - AWE MAINTA 28AUG,2015
P. 16
16 AWEMainta Diabierna, 28 Augustus 2015
100.9-Hits100FM
Den su “Newsroom
Studio” nobo
RECIENTMENTE e radio emisora
100.9-Hits100FM a inicia su transmisionnan den
su studionan nobo na Kolibristraat # 2.
E studio nobo yama “Newsroom Studio” y ta
consisti di e area di control y maneho di zonido
y programacion full independiente cu “Multi
Monitors” y su dilanti un Meeting Room style
set caminda cu e locutor periodista ta presenta
e noticiero y alabes por haci su entrevistanan cu
invitadonan.
100.9-Hits100FM ta un di e emisornan nobo cu
mas a haya acogida den comunidad den e ultimo
temponan, especialmente pa su Noticia y bon
musica continuo.
Mainta tempran e programacion di dia ta habri
cu musica Country y despues ta sigui “AWE den
NOTICA” cu Aldrich Croes ta habri e mainta cu
un noticiero dinamico, obhetivo y tambe hopi
interactivo cu oyentenan via diferente social
media.
Despues ta sigui musica popular Americano,
Latino y Europeo. Pa 12 or di merdia tin e mihor
Informacion di Tempo cu Sharon Berkley,
despues ta sigui e noticiero “AWE MERDIA” cu
Ruben Trapenberg.
Cada ora tin boletin di ora y den weekend pueblo
por disfruta di e programanan Casey Kasem
Classics cu The 70’s diasabra 11 or di mainta y
The 80’s diadomingo 4 di atardi.
Aruba sigur por ta contento cu un programacion
hopi educativo y entretenido y trankilo di e
emisora 100.9 - HITS100FM.
