Page 19 - AWE MAINTA 28AUG,2015

AWEMainta Diabierna, 28 Augustus 2015 19

Aquanette Gunn di SKOA:

Proyecto Earn Your Future ta haci e
muchanan mas curioso riba uzo di placa

SKOA ta sumamente contento di por ta forma parti un biaha mas di e proyecto “Earn Your Future”

hunto cu PwC Aruba cu lo cuminsa otro siman den e 6de klasnan di Ciclo Basico. Aquanette Gunn,
funcionario di SKOA, mes a participa aña pasa den dos klas di e proyecto piloto y el a bisa di ta

haya e relacion pedagogico cu tabatin entre esnan cu a haci e preparacion di e lesnan cu e
muchanan, sumamente estrecho.

Enberdad ora ta papia di presupuesto mester duna e
muchanan cierto terminologia riba nan nivel.

Pero tambe e combinacion cu tabata haci entre e terminologianan financiero
y e tareanan practico cu e muchanan mester ehecuta, a trece e smaak den e
muchanan pa participa den e proyecto.

Tambe di e docentenan di 6de klas SKOA a haya bon
feedback riba e proyecto aki. E maestronan a
mustra cu despues di e dos encuentronan cu e
expertonan financiero, hopi mucha a keda
cu hamber pa haya mas informacion riba
con pa traha un presupuesto y con pa
haci esaki uno balansa y tambe con e
gastonan por afecta e entrada.

Kiermen no ta simplemente e dos
encuentronan ta pone cu e muchanan
ta cla, pero a crea mas interes serca
e hobennan riba e topico financiero.

SKOA ta sumamente contento tambe
cu e aña aki PwC Aruba a logra cu otro
directiva di scolnan tambe por participa
den e proyecto aki cu tin un balor adicio-
nal p’e muchanan.

E edad di e muchanan por ta hoben berdad,
pero aki poco tempo den e sistema educativo
secundario nan lo haya aspectonan finan-
ciero tambe como materia y si PwC Aruba por
aporta pa duna nan tog un fundeshi, un inicio
pa loke ta un presupuesto, e ta sumamente di
aplaudi.