Page 18 - AWE MAINTA 28AUG,2015

18 AWEMainta Diabierna, 28 Augustus 2015

Proyecto Earn Your Future:

Muchanan mester
compronde cu nan mayornan
tambe ta traha cu un budget

Segun Lorena Maduro di PWC

E esencia di e programa Earn Your Future di PwC Aruba ta pa siña e muchanan con pa maneha nan placa y con pa spaar.

Den esaki e muchanan lo siña cu tin cosnan cu ta necesario y tin cosnan cu no ta necesario y con pa pone nan priori-
dadnan.
Segun Lorena Maduro, kende ta Director di Business Accounting Services pa PwC Aruba, e aña aki alrededor di 20
scol ta participando y lo tin entre 26 pa 28 colega trahador riba e proyecto aki cu lo tuma dos mainta y dos lesuur di
cada scol.
PwC Aruba lo bishita e scolnan riba dialuna y diamars y diarazon y diahuebs.

E planning ta amplio unda cu cada bes lo asisti cu dos pa tres colega y miembronan di staff unda cu
lo uza tur material p’asina transmiti e materia na un forma agradabel p’e muchanan. PwC Aruba
ta desea di cuminsa siña e muchanan di tempran tocante finansa, pero na un edad cu nan tin e
abilidad di por compronde literatura financiero y pa pone esaki den practica.
E programa lo ta mescos cu di aña pasa y ta consisti di 2 dia.

Cada dia nos lo ta siñando e muchanan con
pa traha un budget y e importancia di spaar cu
ehempelnan p’asina sigura cu e muchanan ta compronde.

Ehempelnan cu PwC Aruba ta usa ta ehempelnan serca di cas, puntrando e muchanan si
nan mayornan a yega di puntra of bisa nan pa paga e airco, sera e kranchi of paga e luz.
Usando ehempelnan simpel y serca di cas, PwC Aruba kier nan compronde dicon nan
mayornan ta bisa nan esaki y cu no ta paso nan mayornan kier ta fastioso, pero ta paso
nan ta trahando riba nan budget.

Lorena Maduro a mustra cu aña pasa a duna e les na Hulandes y a usa Papiamento
ora cu esaki tabata yuda e muchanan compronde e materia mihor.
Despues di a ripara cu diferente mucha tin hopi dificultad cu Hulandes, a dicidi
di laga e lesnan na Hulandes, pero laga traha e brochure y materialnan tanto na
Hulandes como na Papiamento.
Asina ora di entrega e muchanan e materialnan, esaki lo facilita nan compron-
demento riba e materia y con pa nan pone esaki den practica pa por yuda nan
mes y tambe nan mayornan.