Page 34 - AweMainta 24Jan15

34 AWEMainta Diasabra, 24 Januari 2015
Aruba Marriott
Hotel Manager Matt
Knights ta embarca
un reto nobo
TA cu gran placer Aruba Marriott ta felicita
Matt Knights cu su posicion nobo di General
Manager pa Renaissance Jaragua na Santo
Domingo, cual a wordo completamente renoba
recientemente.Matt Knights a forma parti di
Aruba Marriott na 2013 como Hotel Manager
pa Aruba Marriott Resort & Stellaris Casino y
a sa di demostra gran liderasgo pa mehora tur
aspecto operacional di e hotel. Su programa
di prestacion “Wiggy” sigur tabata un exito y
su dedicacion n’e programa aki a percura pa
mehoracion continuo di e hotel.
“Mientras cu nos ta sumamente tristo pa despedi
di Matt, nos sa cu e posicion nobo ta hopi bon
mereci y equipa pe. Nos ta felicita Matt, Sheila
su casa y nan tres yiunan cu e oportunidad
fantastico aki y ta desea nan lo mihor na
Santo Domingo” a comparti Complex General
Manager Tom Calame. Como gradicimento e
team di Aruba Marriott a organisa un fiesta di
despedida riba Matt su ultimo dia di trabou
unda gerencia y staff a tuma e oportunidad pa
demostra nan gratitud pa Matt dor di comparti
bunita palabranan como tambe memorianan
special por medio di discursonan, colage di
potret y video.