Page 41 - MIN.TTC 5 AUG 2015

34 AWEMainta Diamars, 04 Augustus 2015

Trahadornan di RIU Palace DIALUNA merdia sindicato FTA
a mustra nan malcontento
den un protesta a presenta cu su consehero legal na
RIU Palace pa atende cu un problema
na unda cu e trahadornan tabata
kier a protesta despues cu gerencia a
suspende un empleado.
Gerencia a dicidi di sera porta pa
e trahadornan no sali sostene nan
colega durante nan break.

Hubert Dirksz presidente di FTA a
bisa cu e susedido di dialuna a pone
cu e trahadornan a dicidi di protesta
prome cu drenta. Nan a yega te na pia
di trabou sinembargo no a drenta pa
cuminsa traha dunando asina sosten
na nan colega cu segun nan a wordo
suspendi inhustamente.

Diamars mainta tambe e sindicato
FTA tabata tey. Ademas e dialuna
a scucha Maria Amparo Martinez
cu ta traha na e departamento di
mantenimento na RIU Palace tambe
expresa su mes.
E ta shopsteward y a wordo suspendi
pa moribo di algo cu el a bai atende.

«E intimidacion a bin desde cu mi a
afilia na e sindicato,» Amparo a bisa.
Despues di ocho aña e hotel a
bin ofrece algun beneficio. Nan a
pidi semper pa hotel respetanan y
verbalmente nan tabata abusa di nan
segun maria Amparo Martinez.

Tin hende cu permiso di turista
trahando n›e hotel. Maria Amparo
Martinez a splica cu nan coleganan
kier a sali pero e gerente tabata
intimida e trahadornan. Semper e
gerencia a somete n›e empleadonan.
Tin motibo pakico a firma pa sindicato
drenta. Nan ta sinti cu nan ta wordo
trapa.
E problema tabata despues di un
situacion di coriente na Pool Bar
unda el a acerca e trahadornan
relaciona cu e situacion y derecho di
e trahadornan.
A bai planea algo y como delegado
e tin derecho di expresa segun
Maria Amparo Martinez. Durante e
situacion na RIU Palace por a scucha
Maria Amparo Martinez ta splica
un tiki rib›e derechonan cu nan ta
pidiendo como trahador.
«Tur hende merece di biba bon. Ta ora
pa tin husticia pa trahadornan na RIU.
Nos no ta animal y nos merece un bon
trato,»Maria Amparo Martinez a bisa.