Page 3 - BNDIA ARUBA

LOCAL A3
Defensa di e hoben ainda ta delibera con lo sigui
Castigo maximo di 1 aña pa hoben cu a venena wela cu veneno di djaca
ORANJESTAD- Ayera mainta e veredicto
den caso di intento di asesinato cu veneno di
djaca den orange juice a wordo presenta pa
hues. E dama hoben di 16 aña naci na Jamaica
a wordo condena na e castigo maximo stipula
pa ley di castigo pa menor di edad: 1 aña.
E veredicto pa condena e dama hoben na 1 aña di
castigo tabata e termino maximo cu hues por duna
pasobra ‘asina e ley ta hinca den otro actualmente’.
E hues a remarca cu e hoben tabatin un strafkaart
limpi na edad di 15 ora e crimen a wordo cometi.
Nos no ta sigur si tin proponente pa cambia aspec-
tonan di e ley aki pa hisa castigo maximo, pero e
manera con hues a subraya esaki lo por indica cu e
hues lo a duna un castigo mas halto si tabata posibel
‘mirando e gravedad di e caso’.
Sinembargo e dama hoben via su abogado John
Zara y su tolk a puntra si e tempo cu el a sinta caba
ta wordo kita for di e castigo di 1 aña. E hoben a
trece dilanti cu ya caba e ta sintando pa 8 luna. Hues tento pa asesina su wela e hoben conscientemente
a clarifica cu un calculacion lo wordo haci a base di
e tempo cu e hoben a sinta caba y e ora ey e lo sigui
sinta e resto di e castigo necesario. Na final e hues
a trece dilanti cu defensa di e hoben por apela ainda
dentro di un termino di 14 dia.
Nos a purba haya comentario di e famia of e abo-
gado di e dama hoben pero nan a nenga di comenta
pasobra ‘nos mester palabra ainda con nos lo sigui’.
Cantidad di veneno
Segun e hues a declara ayera mainta 2 otro persona
den famia lo a guli un poco di e orange juice ven-
ena. Sinembargo e otro dos persona no a muri pa
via di bebe e orange juice venena.
E wela di e hoben dama oficialmente a wordo de-
clara morto pa via di complicacion cu salud. Pero
hues a declara cu aunke abogado di e hoben a argu-
menta cu posibelmente no tin un conexion entre
orange juice venena y e wela su deteoracion den
salud, hues mes ta kere cu si nan lo a tin algo di ber aparentemente su wela a pidi. E discusion inicial-
cu otro.
Hues a splica cu segun e Instituto Forensico Hu-
landes, veneno di djaca por wordo consumi den
dosis masha chikito sin consecuencia mortal pa un
ser humano; un cantidad entre 0.5 y 0.7 milligram
pa cada kilogram di un persona su peso. Segun
hues e hoben den un declaracion anterior a admiti
di a cumpra un saco di mas o menos 50 gram. Den
e orange juice mes despues di investigacion a bin
dilanti cu tabatin un cantidad basta halto di veneno
den dje. Esaki despues cu e hoben a declara cu e lo a
pone ‘un tiki so’ den e orange juice. Pues hues a de-
clara cu aunke posiblemente e hoben no lo a tin in-
a pone su wela y e 2 familiarnan den peliger grave.
Estadia legal
Un punto cu te ainda no a bin dilanti tocante e caso
ta e echo cu e dama ta naci na Jamaica. Pues en
caso cu e hoben tin mester di un permiso pa biba
na Aruba no a bin na cla ainda con e proceso cu e
hoben ta canando na corte lo afecta su estadia legal.
Nos a purba haya clarificacion tocante esaki di parti
di Ministerio Publico pero vocero no a duna con-
testa riba esaki prome cu nos a cera nos redaccion.
E preguntanan e ora ey ta bira: si e hoben lo por
aplica pa un permiso despues di a sinta su castigo
(en caso cu e mester di permiso). Y si esey no ta e
caso e hoben ta wordo deporta of tin excepcion den
jeugdrecht cu ta para algo asina?
Diabierna 24 November 2017
E caso
Manera nos a publica den pasado, di loke a bin di-
lanti anteriormente den corte, ta asina cu dia 22 di
november e sospechoso a bay Kinppo Foodcenter
pa cumpra un orange juice marca HomeMaker cu
mente tabata ta si e wela mes a gara e glas di orange
juice of si esaki a wordo duna na dje. A bin sali na
cla cu ta e sospechoso mes a dun’e y por mira riba
imagen di camara di siguridad na e supermercado
cu ta e hoben mes a cumpra e juice. Den inves-
tigacion di autoridadnan a sali na cla tambe cu un
dia prome cu e sucedido, e hoben tabata den e su-
permercado puntrando pa veneno di djaca y si e
por haya esaki den forma di puiro. Ora cu hues a
puntra e sospechoso riba esaki, el a nenga di duna
comentario.
Investigacion di autoridadnan a saca afo cu a mira
tambe algun rastro di e mesun veneno aki den
cushina di e cas di e famia. E hoben na prome in-
stante a insisti cu e no ta corda y no sa con e veneno
a bin den e juice. Algun rato despues el a keda con-
fronta cu informacion cu a wordo colecta por me-
dio di un grabacion di audio y video cu un amigo
di famia a haci anto entrega na polis. Den e graba-
cion aki por mira y scucha e hoben combersando
cu otro dos dama desconoci.
E mucha aparentemente lo mester a haya con-
seho of sugerencia pa uza veneno di djaca pa haci
daño na su wela. Un trahado di e supermercado
y otro hoben cu ta yena saco tambe ta corda cu e
sospechoso a drenta e supermercado pa puntra y
cumpra e veneno. Na dado momento hues a bolbe
confronta e hoben cu tur e informacion cu a bin
dilanti di testigonan y autoridadnan, anto e hoben
a opta pa papia.