Page 6 - BNDIA ARUBA

A6

regionalDiabierna 24 November 2017

5 di 6 ehecutivo di PDVSA cu ta deteni pa corupcion ta Mericano

VENEZUELA (ElNacional).- Diaranson cu a
pasa presidente di Venezuela, Nicolas Maduro a
bisa cu cinco di tur seis funcionario cu ta deteni
pa corupcion na Citgo, tin dobel nacionalidad:
Mericano y Venezolano. El a bisa cu embahada di
Merca a confirma e informacion aki.

Maduro a splica cu e dato aki no ta nada ni tampoco ta duna
un trato diferente. “Nan ta Venezolano y lo ta bay den un
proceso hudicial pasobra nan ta corupto, ladronnan y traidor
na patria Venezolano”, el a bisa.
The Associated Press a publica cu nacionalidad Mericano ta
duna e posibilidad pa hende cu ta deteni, pa haya asistencia di
banda di derecho internacional. E departamento di estado ta
bisa cu ora cu un ciudadano di Merca ta deteni na stranhero,
nan por pidi permiso pa un bishita.
Autoridad di Venezuela a bisa diamars cu a pasa, cu ciudada-
nonan aki tin un medida cu ta priva libertad di nan, pasobra
grupo di funcionario aki a participa den contracto cu tabata
duna hopi desbentaha pa Citgo.
Nan a ser acusa di malversacion di placa for di gobierno y di
estado Venezolano, ora cu nan a participa den un acuerdo pa
traha un negoshi nobo, riba tur bono di aña 2014 y 2015, pa
un total di 4.000 miyon dollar.

Prijs di ticket di
avion na Venezuela

ta hopi halto

VENEZUELA (ElNacional).- E situacion economico
na Venezuela ta perhudica e prijs di ticket di avion pa
diferente destino internacional for di Maiquetia – Ca-
racas.

Esunnan cu lo kier biaha pa Argentina mester paga
1.825 dollar, un prijs cu ta disponibel solamente pa
luna di november.
E ticket di avion pa Lima, Peru ta $1.529; Guaya-
quil ta $ 1.426; Miami ta $ 1.683; y Bogota ta costa
$1.243.
Ora di consulta e prijs, e fecha pa salida di vue-
lonan aki ta planifica pa dia 23 di november y cu
mester bolbe prome cu dia 28 di november.
Un ticket di avion na Venezuela por yega na e
ekivalente di 213 salario minimo (17 aña di tra-
bao). Desde 1 di november 2017 e salario minimo
na Venezuela ta na 177.507 bolivar; incluyendo e
ticket di alimentacion e ta bira 455.507 bolivar.
Mientras tanto, e prijs di dollar maneha pa Banco
Central ta na 6675 bolivar, pero e prijs di mercado
negro ta na mas di 80.000 bolivar caba.
E tremendo aumento di e prijs paralelo ta conse-
cuencia di e paro den e subasta di dollar cu gobi-
erno tabata mantene, pa mas di seis luna caba, loke
ta haci cu acceso na dollar oficial ta practicamente
imposibel.