Page 10 - DESPA_Neat

Natasha Upegui ta presidente di Asociacion di Dokteraassistent na Aruba. Durante e conferencia di prensa el a
comenta un tiki riba e introduccion di e sistema di triage. Desde 2014 nan a lanta e asociacion, pa asina trece e
asistentenan di dokter como profesinal hunto. Meta ta pa organisa diferente workshop, charla y seminario pa e
dokters assistent upgrade den nan trabou como tambe personal.

E curso di triage a wordo duna door di un persona di Corsou biba na Hulanda cu ta enfermera. El a haci curso pa e
bira un docente di verpleegkunde. Fuera di esey el a lanta su mesun negoshi pa duna les y un di e lesnan cu e ta
ofrece na Corsou ta triage. Asina a bin den contacto cun’e pa e por a organisa e curso aki na Aruba pa e asistentenan
di dokter.
E curso a wordo duna na nan caba. Un total di 50 asistent tabata tey presente. A haya un splicacion amplio di con pa
uza e triage wijzer, cu ta un map. Tin’e electronicamente tambe, cu ta wordo duna tambe como asistente y a base di
esey ta haci algun pregunta clave riba un topico, un malesa, un lesion y asina por saca afo con lihe ta yuda e pashent
cu na e momento ey ta yama of ta para na balie.
50 asistente a asisti na e les aki y e tabata uno interactivo. No a sinta scucha. A haya caso, a haci pregunta, a haya
chens pa evalua y segun Upegui, tur awor aki ta mas miho entrena pa uza e triage wijzer y pa por ta un persona clave
pa por yuda e dokter tambe, pa e yuda e pashentnan mas lihe.
Den e 50 persona cu a pasa tabata tin asistente cu diferente opleiding. Natasha Upegui durante e conferencia a sigui
splica cu ta diferente tipo di hende cu educacion. Asina mes nan por haci uso di e triage wijzer.
Na Aruba no tin e opleiding di asistente di dokter. Tin asistentenan di dokter cu a bin for di Hulanda. Tabata tin un
grupo cu a gradua 3 pa 4 aña pasa cu tabata tin cierto opleiding na Aruba. Tin enfermeronan den dje. Tin diferente
tipo di persona cu diferente tipo di educacion y opleiding. Desde 2014, e Asociacion ta organisa un biaha pa luna un
charla. Y e charla aki ta wordo duna pa sea un specialista of un dokter di cas. Tabata tin un charla unda cu Robert
Wever a duna, unda cu e ta splica con pa lees af un labform y tur luna ta keda haci esaki tambe. Tabata tin varios
tayer. Tabata tin e dokternan di Corsou cu ta bin duna charla. E asociacion ta continuamente bezig pa tene nan mes
na altura di e mundo medico, mescos cu e dokter ta bay un conferencia of un FTO, cu ta un opleiding, un lezing pa
nan. E asistentenan tambe ta haci esey, pa e asistentenan di dokter.
Aña pasa nan a haya un les di communicatie vaardigheden duna pa Michael Paesch, pero no hopi asistente a asisti
mirando cu e no ta obligatorio ainda. Pero mas tanto locual cu ta fastioso pa e pashentnan cu tin hende ta puntra nan
dicon nan tin cu bin dokter, cual antes esey no a wordo haci. Poco poco e fase di opvoeding, custuma e pashent bisa
kico ta pasa pa wak con lihe por yuda. Por ta cu por yuda cu un recept, por ta cu por bin awo, y no warda pa mas laat.
Por ta cu por bin aki dos ora. Of por ta loke bo tin bo por warda dos dia. Tur cos ta depende kico e pashent tin. Awor
aki a cuminsa na custuma e pashent pa conta kico nan tin pa nan wordo yuda mas miho. Esey ta un drempel cu tin
cu pasa over di dje ainda y poco poco e ta bay den un practica miho cu e otro.

Comentarionan (0)

http://www.24ora.com/index.php?option=com_content&view=article&id=123323:asistentenan-di-
dokter-ta-asisti-diferente-tayer-pa-por-upgrade-den-nan-trabao&catid=1:local&Itemid=5

AWOR CADA UNO LO TIN

ASISTENTE PA HACI