Page 8 - DESPA_Neat

E asistente di dokter ta esencial pa e dokter di cas

Friday, 23 June 2017 22:16
Comparti

Dokter di cas Joaquin van Trigt durante e conferencia riba Triage a splica cu e asistentenan di dokter a haci un
preparacion. E asistente di dokter ta esencial pa e dokter di cas. Nan ta e prome punto pa topa cu e pashent. Nan ta
controla con e fluho di e consultorio di dokter ta bay. Dokter Joaquin van Trigt a splica cu e asistent por duna un
conseho tambe cu por conta cu e sosten di e dokter.

Van Trigt tambe ta di conclui cu e desaroyo cu a tuma luga ultimo tempo unda cu asistentnan ta hay amas
responsabilidad. Temponan anterior, cu tabata papia mas di secretaresse, sin opleiding, cu falta di un background
medico. E asistentnan ta haci un desaroyo basta extensivo, a bin cu un opleiding na Hulanda y na Aruba un verkorte
opleiding pa secretarianan cu no tabata tin background y a acudi na e opleiding akinan tambe.
Pa e dokternan di cas, e asistentenan ta un verlengde arm di e dokternan y nan ta wak hopi biaha locual cu e
dokternan mes no ta wak. Nan ta e prome punto di acudi pa e pashentnan y nan eigenlijk ta dirigi con e fluho di e
practica ta bay.
Na final, e pashentnan semper ta exigi y nan tin e derecho tambe di wak un dokter. Pero mester bin cu un shift cu e
asistentnan hopi biaha toch tin e conocemento pa tuma cierto decisionnan, a base di un triage wijzer, cu el a haya
den su opleiding y tambe por duna un conseho a base di esey cu no mester bin di e dokter di cas mes. Ta un conseho
cu hopi biaha e dokter ta confia den dje. No ta asina perse cu e disponibilidad di un dokter di cas, ta depende di e
habilidad di wak bo mesun dokter di cas, pero tambe por ehempel di tin bon contacto cu e asistente di dokter. Tin
cita semper, si e ta duda of cualkier caso ta sinti cu e dokter of cu e pregunta mester wordo dirigi pa e dokter di cas, e
lo no duda y tuma contacto cu e dokter den su practica specifico y tin overleg, riba casonan y nunca ta tuma un
riesgo, ora cu e ta duda y si tin cosnan semper overleg tambe di funcionamento, riba e rol di asistentenan den
praktijk. Tin hopi confianza den nan y contento cu nan, dr. van Trigt a splica.
E sistema di triage no ta algo nobo. Dokter Joaquin van Trigt a splica cu e sistema di triage ta algo conoci hopi tempo
na Hulanda basa riba un investigacion. Loke e ta haci ora un pashent yama pa un situacion, manera dolor den pecho,
ya caba mester sali un code cora y tin cu acudi di biaha. E pashent mester bin di biaha pa e haya atencion medico.
Tambe cosnan manera verkoudheid, griep of un problema di cuero, ta cosnan cu hopi biaha ta hopi abao. Ta cay den
un categoria mas abao den e sistema di triage y ta categorisa manera niet spoed y por haya un afspraak dentro di
algun dia regular. Ta un idea con e triage systeem ta traha. Asistentnan ta domina e sistema aki bon. E ta algo nobo
tambe pa Aruba y e pashentnan custuma cun’e, cu e asistent ta haci nan cierto pregunta. E meta di e preguntanan ta
pa stel vast e urgencia di con e pashent mester bin, dentro di un of dos dia. E no ta un drempel pa haci entrada pa e
dokter di cas mas halto. Hopi hende ta pensa cu ta esey, pasobra ta yega na e dokternan y dicon ta puntra, pasobra
no ta cosnan cu ta papia cu un dokter y ta confidencial.
http://www.24ora.com/index.php?option=com_content&view=article&id=123324:e-asistente-di-
dokter-ta-esencial-pa-e-dokter-di-cas&catid=1:local&Itemid=5

Curso recien di triage a conta cu apoyo di AZV

Friday, 23 June 2017 22:06