Page 12 - DESPA_Neat
P. 12
ORANJESTAD.- Recientemente un grupo di 50 asistente di dokter di cas a pasa
e curso di NHG Triage Wijzer, cu tin como meta pa yuda un dokter di cas, sigur
pa determina si caso di e paciente tin urgencia, y/of ki urgente e paciente
mester wak e dokter di cas.
Durante un conferencia di prensa yama pa AZV, su Relacionista Publico,
Solange Tchong a duna di conoce riba ultimo desaroyonan cu tin cu dokternan
di cas. E sistema di triage aki ta conoci p’e ultimo 2 pa 3 aña, cu mayoria di
dokternan di cas tambe ta aplica e sistema di triage.
Triage t’e evaluacion di pacientenan di diferente categoria na unda nan ta wordo
clasifica, segun gravedad di nan sintomanan, lesionnan y of malesa. Triage ta
un sistema pa por determina e urgencia di e paciente, cu ta yama oficina di
dokter di cas pa haya un cita, segun Solange Tchong a splica.
Meta di e triage ta pa establece prioridad y pa dicidi cua paciente mester haya
tratamento medico, prome of mesora y cua pacientenan por warda un tempo
cortico mas largo. E asistente di dokter, t’esun cu por haci e triage. E ta traha
bao di responsabilidad di e dokter di cas. Semper e lo ta den consulta cu e
dokter di cas.
Aplicando triage lo haya sa cua paciente por haya afspraak mesun dia y/of cua
paciente lo por haya un cita pa su siguiente dia of lo por haya un otro
