Page 59 - Min Soc, 6 May 2015
P. 59
“Bo ta un Croes”
Publication: Wednesday, 6 May 2015. Categoria: Politica
Evelyne na Minister Paul Croes:
ORANJESTAD (AAN): Lider di oposicion di fraccion di MEP, diamars mainta a atende un
asunto ‘familiar’ cu Minister di Labor y Asuntonan Social, Paul Croes, uzando memoria di e
fundador di partido MEP, esta Betico Croes pa hala atencion di e mandatario.
Evelyne Wever Croes dado momento den su atake contra di Minister Paul Croes, a referi na
expresionnan politico haci pa Betico Croes den feliz memoria, ora cu el a menciona cu e
fundador di MEP a bisa cu si e laga e bandera cay, tuma esaki y sigui cu e lucha.
Kico ta e lucha Evelyne no a splica ya cu a keda bon cla cu awor di repente e lider di MEP kier
para pa interes di pueblo, e kier defende un pueblo awor cu e ta den oposicion pero na momento
cu e mester a gara e bandera di pueblo manera cu Betico Croes tabata kiermen, Evelyne a laga e
bandera benta abou y no a gara esaki.
Esaki ta momento cu despues cu el a bira lider di e partido geel, e tabata bon na altura cu su
propio famia a worde beneficia grandemente cu contractonan di huur caminda hasta den algun di
esakinan, a saca cierto clausula for di esakinan cu a permiti famianan di e lider di oposicion,
sigui goza di e huurmento aki, apesar cu Gobierno di AVP na 2009 a dicidi cu lo para tur e
contractonan aki, ya cu nan tabata un peso demasiado grandi riba gastonan di Gobierno.
Evelyne Wever Croes no a gara e bandera na e momentonan ey, e no ta pensa riba interes di
pueblo y bay dialoga cu su famianan pa asina coopera cu pueblo y termina cu e contractonan
inhusto aki, caminda un di nan tabata para bashi na Tanki Leendert pero e famia a sigui cobra
placa di pueblo pa esaki pa varios aña.
Ta na momentonan asina ora cu Evelyne su famianan a cobra mas cu 25 miyon di Florin na
huurmento, na gastonan di representacion legal di cual su persona tambe a forma parti di dje,
tabata momentonan pa e lider di MEP a gara e bandera di pueblo y lucha pa pueblo.
Evelyne den e lucha inhusto ey contra pueblo, e no a actua y ayera mainta sin mustra ningun
clase di remordimento a mira den direccion di Minister Paul Croes y a bisa:”Corda, bo ta un
Croes.”
Ora cu Evelyne mester a corda cu e tambe ta Croes famia di Betico Croes kende a para semper
pa pueblo, el a lubida por completo cu e tabata un Croes y a prefera di no stroba e fluho di
miyones pa su famia, fluho di placa di pueblo sin cu el a sinti su mes e necesidad pa gara e
bandera na cual Betico a referi di dje.
http://www.diario.aw/2015/05/%E2%80%9Cbo-ta-un-croes%E2%80%9D/
Publication: Wednesday, 6 May 2015. Categoria: Politica
Evelyne na Minister Paul Croes:
ORANJESTAD (AAN): Lider di oposicion di fraccion di MEP, diamars mainta a atende un
asunto ‘familiar’ cu Minister di Labor y Asuntonan Social, Paul Croes, uzando memoria di e
fundador di partido MEP, esta Betico Croes pa hala atencion di e mandatario.
Evelyne Wever Croes dado momento den su atake contra di Minister Paul Croes, a referi na
expresionnan politico haci pa Betico Croes den feliz memoria, ora cu el a menciona cu e
fundador di MEP a bisa cu si e laga e bandera cay, tuma esaki y sigui cu e lucha.
Kico ta e lucha Evelyne no a splica ya cu a keda bon cla cu awor di repente e lider di MEP kier
para pa interes di pueblo, e kier defende un pueblo awor cu e ta den oposicion pero na momento
cu e mester a gara e bandera di pueblo manera cu Betico Croes tabata kiermen, Evelyne a laga e
bandera benta abou y no a gara esaki.
Esaki ta momento cu despues cu el a bira lider di e partido geel, e tabata bon na altura cu su
propio famia a worde beneficia grandemente cu contractonan di huur caminda hasta den algun di
esakinan, a saca cierto clausula for di esakinan cu a permiti famianan di e lider di oposicion,
sigui goza di e huurmento aki, apesar cu Gobierno di AVP na 2009 a dicidi cu lo para tur e
contractonan aki, ya cu nan tabata un peso demasiado grandi riba gastonan di Gobierno.
Evelyne Wever Croes no a gara e bandera na e momentonan ey, e no ta pensa riba interes di
pueblo y bay dialoga cu su famianan pa asina coopera cu pueblo y termina cu e contractonan
inhusto aki, caminda un di nan tabata para bashi na Tanki Leendert pero e famia a sigui cobra
placa di pueblo pa esaki pa varios aña.
Ta na momentonan asina ora cu Evelyne su famianan a cobra mas cu 25 miyon di Florin na
huurmento, na gastonan di representacion legal di cual su persona tambe a forma parti di dje,
tabata momentonan pa e lider di MEP a gara e bandera di pueblo y lucha pa pueblo.
Evelyne den e lucha inhusto ey contra pueblo, e no a actua y ayera mainta sin mustra ningun
clase di remordimento a mira den direccion di Minister Paul Croes y a bisa:”Corda, bo ta un
Croes.”
Ora cu Evelyne mester a corda cu e tambe ta Croes famia di Betico Croes kende a para semper
pa pueblo, el a lubida por completo cu e tabata un Croes y a prefera di no stroba e fluho di
miyones pa su famia, fluho di placa di pueblo sin cu el a sinti su mes e necesidad pa gara e
bandera na cual Betico a referi di dje.
http://www.diario.aw/2015/05/%E2%80%9Cbo-ta-un-croes%E2%80%9D/
