Page 62 - Min Soc, 6 May 2015
P. 62
“Mi no ta un Croes cu cuenta bancario oscuro”

Publication: Wednesday, 6 May 2015. Categoria: Politica

Minister Paul Coes:

ORANJESTAD (AAN): Despues di a worde cuestiona y acusa formalmente pa lider di oposicion
Evelyne Wever Croes cu su maneho ta uno contra interes di pueblo y pa e Minister yuda esunnan
den necesidad, Minister Paul Croes den un reaccion cortico, a percura pa e lider di MEP perde
tur control durante di e reunion.

Minister Paul Croes na momento cu e mester a contesta e preguntanan den segunda tanda, a
mustra bon na varios miembro di oposicion cu nan weganan politico bisando: “Hendenan cu ta
biba den cashi di glas, no mester tira cu piedra.”

Den su reaccion contra e lider di MEP kende a pidi Minister Croes pa e lanta contra di su lider
Minister Presidente Mike Eman, e reaccion di e Minister no a cay den bon tera cerca e lider di
oposicion.

Den un forma skerpi Minister Paul Croes a cuestiona e preocupacion cu e lider di oposicion
Eveyne Wever Croes di ripente tin awor pa interes di esunnan di menos entrada mientras cu e ta
un persona cu su nomber ta worde menciona den cuentanan bancario cu transaccion di miyones
sin cu el a duna aclaracion na pueblo of Parlamento riba e transaccionnan aki.

E declaracion aki a percura pa un reaccion fuerte di e lider di oposicion kende a cataloga e
comportacion di Minister Paul Croes como un di cobarde y a bisa e Minister pa bay lesa, no uno
pero tres decision di Corte di su esposo caminda e ta pretende cu e decision den e casonan aki pa
su esposo, ta libra su persona tambe di esaki.

Evelyne Wever Croes no por a domina su rabia dado momento y hasta a bay over na cuestiona e
conocemento di Hulandes di Minister Paul Croes y el a ofrece pa laga traduci e decisionnan di
Corte na Papiamento pa asina e Minister por compronde esakinan.

Sinembargo Minister Paul Croes a bolbe mustra e lider di oposicion cu si e kier hunga weganan
politico cu situacionnan di esunnan menos afortuna, e por a duna un sosten financiero na tur e
gruponan cu subsidionan cu e fondonan den cual el a participa segun publicacionnan cu a tuma
luga for di aña pasa.

http://www.diario.aw/2015/05/%E2%80%9Cmi-no-ta-un-croes-cu-cuenta-bancario-
oscuro%E2%80%9D/
   57   58   59   60   61   62   63   64   65   66   67