Page 14 - ARUBA BANK 9 APRIL 2016

“shareholders’ equity”, otro debenan, y e asina yama “accounts receivables”. E bahada den credito domestico a
resulta door di menos credito bancario netto na e sector priva di Afl. 3,0 miyon y un subida marginal di Afl.
0,8 miyon den credito bancario na e sector publico. E bahada den credito na e sector priva a resulta for di
menos credito na empresa di Afl. 6,1 miyon y credito na consumidor di Afl. 2,1 miyon. Hipoteca pa vivienda,
di otro banda, a expande cu Afl. 4,4 miyon.

Inflacion
E nivel general di prijs, cu ta wordo midi door di e indice di prijs di consumo, a registra un bahada di 0,6
porciento den e luna di Februari 2016, compara cu Februari 2015. E contribuyente principal na e bahada aki ta
e componente “Vivienda”, cual ta debi primordialmente na un bahada den prijs di electricidad. Tambe e
componente “Transporte”, e asina yama “Household Operation” y “Cuminda y Bebida no-alcoholico” a
contribui na e bahada aki. Di otro banda, e componentenan “Recreacion y Cultura” y “Restaurant y Hotel” a
registra un aumento. Si exclui e componentenan di cuminda y energia for di e indice di prijs di consumo,
inflacion ta mustra un aumento di 0,8 porciento compara cu Februari 2015. Pa loke ta trata e promedio anual di
e tasa di inflacion, esaki a subi cu 0,2 porciento na Februari 2016 compara cu un crecemento di 0,3 porciento
na Januari 2016.

Turismo
Na Februari 2016, e cantidad di turista a registra 96.185 bishitante, cual ta 6,9 porciento (+6.194 bishitante)
mas cu na Februari 2015. E expansion den e mercado Latino Americano di 11,1 porciento (+2.875 bishitante)
y di Norte Americano di 3,6 porciento (+2.025) a contribui na e crecemento aki. E subida den e mercado
Latino Americano ta mas tanto e resultado di un aumento di 3.141 bishitante for di Venezuela. E aumento den
e mercado Norte Americano a wordo causa pa un subida di 1.908 bishitante for di Merca. E cantidad di turista
crucero a subi cu 7,2 porciento (+5.507 bishitante) te na 81.574 na Februari 2016, compara cu Februari 2015.
E cantidad di barconan crucero na Februari 2016 a keda mescos na 38 compara cu Februari 2015.
Gobierno
Tuma nota cu e cifranan di entrada di gobierno no tabata disponibel na momento di publicacion di e relato aki.