Page 8 - MIN SOC JULY 4 2015

Pagina 12 Diasabra Juli 4 2015

FAVI cu su actividad di clausura na Rodgers Beach

Diahuebs 2 di Juli 2015,
FAVI a tene su actividad
di clausura na Rodgers
Beach. Aki e clientenan
di FAVI hunto cu
voluntarionan a disfruta
di un mainta masha
dushi canto di lama. Cu
colaboracion di sr. Erick
Gomez, e clientenan
a disfruta di un bunita
entretenimento
musical. Erick a sa di
pone musica cu nos
clientenan por goza
di dje, tin cu a baila y
otronan cu a canta sin
fin.

Daniel Werleman

tambe a bin cu su

guitara pa toca y canta

cu nos clientenan algun

cancion di antes.

Clientenan a haya
chens pa bay landa
bao guia di nos
voluntarionan, mientras
otronan a probecha di
haci bodypainting y
hunga domino.
FAVI kier a yama
danki na tur persona,
voluntario y cliente cu a
duna nan contribucion
den un of otro forma.

Nos kier a desea tur nos
cliente y voluntarionan
un dushi vakantie. Dia
13 di Augustus FAVI su
actividadnan regular lo
continua. Sinembargo
nos kier a informa
cu FAVI su oficina ta
keda habri durante di e
temporada di vakantie
pa duna tur otro servicio.

Ariba e siguiente
potretnan por mira mas
di e actividad di FAVI na
Rodgers Beach