Page 70 - KPA 29 JUNE 2017

E rijbewijs di Aruba ta wordo traha door di expertonan, unda
cu tin varios features di siguridad den dje

Wednesday, 28 June 2017 20:01
Comparti

Aparentemente tin of otro publicacion cu a sali relaciona cu e balor di e rijbewijs. Minister Arthur Dowers a splica cu
por corda un situacion caminda masha hopi rijbewijs na Aruba a wordo falsifica, e tempo ey bao di maneho di Rudy
Croes. Dado momento a haci un escogencia pa bin cu un proceso caminda cu e rijbewijs wordo traha na Hulanda.

Na momento cu esaki tabata wordo traha na Hulanda, tabata tin un proceso di koppeling na Censo na Aruba. E
informacion ta bay Hulanda y e rijbewijs ta wordo traha. E rijbewijs ta wordo traha bon, cual no tin ningun discusion
riba dje. Sinembargo e servicio tabata uno malisimo e tempo ey. Masha hopi keho tabata tin den nos comunidad riba
e proceso y hopi hende no por a regla nan rijbewijs y tambe tabata hopi caro. Dado momento tabata yega na un
escogencia pa laga traha un rijbewijs local. E rijbewijs local ta wordo traha cu e posibilidad e tempo ey a kita e
koppeling for di Censo aunke cu e posibilidad ta sigui ainda. E ta den proceso di evaluacion si nan ta bay pone e
proceso ey bek. E rijbewijs di Aruba ta wordo traha door di expertonan, unda cu tin varios features di siguridad den
dje.