Page 73 - KPA 29 JUNE 2017
P. 73
E tribunal a indica cu decision di impone medidanan cautelar contra di Ortega
Diaz a wordo aproba unanimamente pa tur e magistradonan di TSJ.
El a señala tambe cu ta prohibi e abogado di 59 aña di bende of traspasa su
bienesnan y a reitera cu e solicitud di antehuicio di merito presenta dia 16 di
Juni pa Carreña a wordo motiva “pa e presunto comision di faltanan grave den e
ehercicio di su cargo” como fiscal general.
Ley Venezolano ta establece cu acto di remove e integrantenan di e Conseho
Moral Republicano (Fiscalia, Contraloria, Defensoria del pueblo) ta den man di e
Asamblea Nacional.
Asina mes, no ta mucho cla con e proceso aki lo wordo completa si lo califica
esaki di falta, ya cu Parlamento, cu ta den mannan di opositornan cu awo ta
apoya e fiscal, ta den desobediencia y su actonan ta wordo considera nulo.
Di otro banda, Ortega Díaz a pronuncia su mes contra di e Tribunal Supremo y a
bisa cu e ta desconoce e decisionnan, y cu e lo defende e Constitucion, cu ta
pretende di cambia ley mediante un Asamblea constituyente cu lo wordo eligi
dia 30 di Juli proximo, “cu su mesun bida”.
Fuente: www.noticiasrcn.com
