Page 71 - KPA 29 JUNE 2017

E siman aki minister Dowers lo haya update pa loke ta
siguridad na nos waf na Barcadera

Wednesday, 28 June 2017 19:57
Comparti

Tabata tin diferente departamento of ministerio cu lo por tabata envolvi den frena e salimento di hendenan cu ta bin
di afo, cu kisas no e barco di fruta, pero e barkitonan cu ta bin un rato y dump un cantidad di koper y ta keda dos dia
y despues bay. E tabata manera un free for all.

Kisas un hende normal no por drenta wak, pero e hendenan aki si ta drenta y sali manera nan ta haya ta bon.
Minister Dowers a splica cu e lo haya un update mas recien riba e asunto aki. A trece e problema aki padilanti
pasobra e ta sinti cu na momento cu kier aumenta y garantisa siguridad, no solamente esey, pero pa percura cu tur
hende cu ta bin Aruba, pa tene nan mes na regla y norma di e pais aki y pa nan no abusa di e sistema. Tin di
compronde cu tin hende ta trece diferente fruta y comestibles y ta entrega na cierto agencianan, pero parce cu nan ta
core bende e productonan riba caya. Cada biaha ta mira e cadena di nos hendenan cu ta coopera cu hendenan cu ta
bin di afo, pa facilita nan pa haci cosnan cu no ta bon. E parti di siguridad ta e parti di mas importante. A combersa
cu diferente entidadnan cu ta trahando na nos waf y ta responsabel pa e parti di siguridad. E siman aki lo tene un
reunion caminda cu lo duna un update y e posibilidadnan cu tin pa atende cu tur e vraagstukken di siguridad eynan y
con ta sigui frena e binimento di hendenan indesea na nos pais.
Tin cu bisa cu e ta un tema toch basta compleho pasobra tin hopi departamento envolvi y tin partidonan cu no ta di
Gobierno, pero priva, cu ta participa na henter e asunto aki. Manera cu mira e sistema con e ta poni, pa haya
autorisacion pa drenta legalmente, esey ta husticia ta duna esaki, ningun otro departamento por, sin embargo ora cu
wordo clarea door di Husticia pa ta riba e tereno di waf, e ta bay over na entidad priva pa lagabo drenta y sali.
Eseynan tin un discusion y tin cu hiba e discusion aki mas amplio y tin cu mira con e moda e ta wordo haci pa e por
garantisa maximalmente siguridad y proteccion di integridad di nos teritorio. Na e momento aki ta wardando e
ultimo briefing riba esaki y despues lo comparti esaki cu prensa riba e ultimo desaroyo. Tur hende despues di e
diferente combersacionnan haci, a bira mas skerpi riba e materia aki. Tin indicacion cu ta haci mas esfuerso, pero
tambe cu tin hende ta bira mas sabi cu ta haya cooperacion di hendenan cu ta estableci akinan mes pa haci y deshaci
riba nos teritorio, ta un cos cu lo keda bring den un forma sumamente organisa y duro.