Page 32 - Extra 9jan,2016

32 Djasabra 9 Yanüari 2016

....China lo habri e aña aki un sentro
hopi grandi pa clone animal. Esaki ke men
un sistema sientífiko pa kopia animal. E
aña aki nos ta habri nos página di mundu
di animal ku algu diferente. A hala nos
atenshon e informashon di e sentro di
clone ku China a presentá na final di
2015. E sentro aki lo habri e aña aki.

Esaki ta e sentro di clone di mas
grandi na mundu i lo tin propósitonan
komersial. E lo bai ta situá den e
suidat di Tianijn na nort di e pais
segun un akuerdo firma entre
sientífikonan lokal i ku a keda
anunsiá na final di 2015.

E planta lo ta situashon e asina
yama área ekonómiko i desaroyo
teknológiko di Tianijn, un parke
industrial supsidiá pa gobièrnu di
China i einan lo clone animalnan
manera kachónan di búskeda òf
di kompania i tambe kabainan di
karera esta pa kompetensia i tambe
baka.

Segun fuentenan anónimo a
konfirmá na e agensia ofisial Xinhuan,
e edifisio sentral di e proyekto aki ta den
konstrukshon kaba i ta spera ku e sentro lo
ta den funshon den e promé mitar di 2016. E
akuerdo firma entre Sinica un supsidiario di e
grupo Boyalife ku ta konsentrá den sélula madre
i remedi regenerativo i TEDA, lo ta trata aki di
un invershon d 200 mion di yen ku ta igual na 31
mion di dòler.

Lo sentro lo keda konstruí pa Sinica, e instituto
di remedi molekular di e universidat di Pekin, e
akademia di Biomedisina internashonal di Tianijn i e
fundashon di investigashon di Bioteknologia Sooam
di sur Corea.

Ta kalkulá ku inisialmente lo por produsí den
kareda di 100 mil èmbrio di baka pa aña i den futuro
ta spera ku e lo oumenta te na un mion, asina
Xu Xiaochun presidente di e konseho di e grupo
Boyalife a indiká i kual tin sede den e provinsia
oriental di Jiangsu. Xu a bisa ku e kriadónan di
bakanan chines ta konfrontá hopi difikultat pa
produsí sufisiente karni pa kumpli ku demanda
di e merkado.

For di 2000 sientifikonan chines a clone
karne, porko i e prome kompania komersial
di clone aked jabri na september 2014 cen
eprovinsia orienta di Shandong esaki danki na
un akuerdo entre China su empresa Boyalife i
e empresa koreano Sooam. Prome ku e fecha
ei na China tabata prohibi e investigashon
sientifiko di clonementu.