Page 28 - Extra 9jan,2016

28 Djasabra 9 Yanüari 2016

Bèl a bati

Bèlèm bèlèm..... bèlèm bèlèm awe ta klòk grandi ta bati pa habri un aña kalendario
nobo. Un aña ku nos ta invitá bo pa ban hasie e mihó di tur tempu. Ban pone di nos
parti pa fin di aña aki ta nos ta outor di historia i no lesado di historia. Naturalmente
den sentido positivo.

Ban pone man na obra i traha pa logra bo metanan den e aña aki. Lanta for di
e stul kómodo òf sali for di e posishon di sinta mira i kritiá so, i riska bo tambe
kontribuí. Sinta wak e barku naufraga tin komo konsekuensia ku bo tambe ta hoga.
Paso bon landadónan tambe a hoga na mas ku un okashon laga tur hende babuká.
Ata ora pániko presentá i tur hende ta purba lasba nan kurpa, te hasta bon landadó
su bida ta na peliger.

Nan ta trapábu den nan ansha, bringa ku bo i tin biaha hasta esun ku no sa landa
ta sobrebibí pa milager di Dios. Abo ku semper a tuma un ròl aktivo, no laga krítika
deskurashabu, sigui traha riba e metanan ku Dios a yamabu pé. Kòrda no riba bo
metanan partikular pero esun di bienestar general. Paso hopi biaha nos ke logra nos
meta partikular sin tene kuenta ku e ta stroba desaroyo general. Balansá bo metanan
i puntra bo mes di bo meta ta realístiko i hustu.

Oportunidatnan nobo ta bai presenta e aña aki pa bo. Chèns pa hasi bon ku esun ku
bo tin años sin papia ku ne. Pa bo kuminsá ku un proyekto nobo. Pa bo puntra bo mes
awor ku ba madura ku bo ta duna importansia enberdat na loke ta importante. Bo outo
ta mas importante ku bienestar di bo famia? Bo outo ta pa bo show off of un medio di
transporte. Bo pañanan mester ta di marka djis pa bo show off? Of bo ta kumpra paña
tas i sapatu ku ta práktiko i ta sirbi e meta. Bo ta paga 10x mas karu pa un produkto