Page 3 - AM220127

AWEMainta.com
Cuerpo Policial tin cu
transforma su mes y brinda
mas servicio na comunidad
GOBIERNO a tin ta insisti cu mester percura p’e proceso
di recuperacion, cana mas rapido cu ta posibel, caminda
henter comunidad tin cu duna di su parti p’asina e proceso
di recuperacion bira algo mas facil y menos problematico.
Pandemia di Covid-19 a trece hopi reto cune y mientras cu
tanto Gobierno como otro instancianan den comunidad
ta mira e aspecto economico y financiero como esnan cu
mas a ser afecta dor di e pandemia, tin otro aspectonan
masha interesante cu ta rekeri un cambio den maneho y
pensamento.
Mientras cu gabinete Wever Croes ta papia di cu mester
traha duro pa logra recuperacion di Aruba su economia,
e propio Gobierno aki lo bira un “obstaculo” serio den
henter e proceso aki, sigur mira cu pa casi dos aña largo
pueblo a wordo perhudica formalmente p’e crisis financiero agresornan.
y economico di e pais, ta dificil pa exigi di e mesun pueblo
aki, bashi y tambe den crisis, pa duna su aporte pa logra e
recuperacion economico.
Un pueblo cu pa gran parti no a logra ainda di recupera
nan entrada salarial di prome cu e pandemia, cu tin
dificultad serio pa cumpli cu su obligacionnan financiero cu duna asistencia, por brinda algo mas, esta di bishita e
banco of otro tipo di asuntonan financiero, lo por bay yuda famia of e hendenan envolvi durante otro dianan pa mira
na carga un economia cu ta rekeri un creatividad serio y
amplio di tur instancia cu por duna esaki.
No solamente comunidad a wordo mal suta p’e situacion
financiero cu hopi hende desemplea, na mes momento
pueblo a wordo confronta c’un crisis no solamente social,
pero tambe un crisis criminal, caminda e cantidad di
crimennan cu tabata wordo cometi, a conoce un aumento
barbaro.
Problemanan social di tur indole, di tur nivel, di agresion
den famia, agresion riba caya, agresion no solamente
fisico, pero tambe agresion verbal, cu ta pone cu e
situacionnan social a converti su mes den un tipo di
“pressure cooker” cu ora pa otro lo rementa for di otro na
lugar di saca steam normal.
Hobennan relativamente jong, algun hasta menor di edad,
DIAHUEBS 27 JANUARI 2022| 3
meti den casonan di asesinato, algun pa vengansa, otronan
pa cierto motibo, pero e cantidad di arma cu ta circulando
den comunidad principalmente entre hobennan, ta birando
un problema grandi.
E agresion contra hende muher, e falta di atencion
adecuado pa criaturanan menor di edad, ta otro aspecto
di e presion social cu tin na e momentonan aki den
comunidad.
Den esaki Cuerpo Policial tin cu busca un forma pa
transforma nan forma di duna servicio na comunidad y
converti nan mes tambe den un grupo cu por brinda
asistencia social, no solamente ora tin interveni ora cu algo
contra ley tuma lugar, pero nan por brinda sosten moral na
principalmente victimanan y den algun caso na e propio
Awendia un agente di Polis ta atende un caso di agresion,
ta traha su proces verbaal y ta manda esaki pa Ministerio
Publico, pero eynan e rol di e agentenan envolvi den e
caso di asistancia aki di agresion, a finalisa, mientras cu
ainda e Polisnan aki cu a papia cu esnan envolvi ora di
con tur cos ta canando y sigura cu nan pas di hogar ta
wordo vigila di cerca.
Hopi famia ta biba dianan largo despues cu Polis bin nan
cas pa motibo di agresion fisico, pa medio cu nan bolbe
wordo agredi ya cu esun cu a causa tur e molester aki,
despues di algun dia of hasta ora, ta bek den libertad y e
famia tin cu sinti su mes cu husticia ta di su parti y presencia
di oficialnan di Polis den saki, ta necesario.
Semper e perfil di Polisnan tabata pa mantencion di ordo,
atende cu esnan cu viola leynan existente, para canto di
caminda y parti multa pero den e mundo di awendia, e
mundo despues di pandemia di covid, personal di husticia,
principalmente e seccion di Polis, lo tin cu bay hunga un
rol mucho mas diferente cu loke nan ta custumbra di dje
p’asina sirbi realmente comunidad na tur momento.