Page 6 - AM220127
P. 6
6| DIAHUEBS 27 JANUARI 2022 AWEMainta.com
Evelyn Wever
Croes, Dangui
Oduber a reuni
cu Premier
y Minister
di Trabao di
Corsou
SIMAN pasa Prome Minister señora Evelyn
Wever-Croes y Minister di Salubridad señor
Dangui Oduber a reuni cu Prome Minister di
Corsou señor Gilmar Pisas hunto y Vice Premier
Minister di Labor y Asunto Social di Corsou,
señora Ruthmilda Larmonie.
Den un declaracion duna, señor Pik Pisas a
indica cu e intencion ta pa su persona y Vice
Premier di Corsou bishita e islanan den Reino
pa sera conoci cu cada un di nan mas di
cerca. Aruba t’e prome isla cu nan a bishita pa
motibo cu entre Aruba y Corsou tin diferente
combersacion caba andando riba diferente
topico.
Señor Pik Pisas a indica cu nan lo kier evalua
den ki direccion nan lo por bay y kico lo t’e
consecuencianan pa Corsou p’e stapnan
cu nan lo mester tuma. Tambe a papia riba
e combersacionnan cu Corsou tabatin cu
Hulanda, cu e Secretario di Estado nobo pa
loke ta trata fondo di likides. Varios otro topico
en comun a wordo discuti. Señor Pisas a
expresa cu e reunionnan tabata hopi positivo y
den bon esfera na unda a intercambia ideanan
p’asina sigui traha hunto den bienestar di e
islanan.
Prome Minister, señora Evelyn Wever-Croes
a expresa su satisfaccion con e reunion cu e
mandatarionan di Corsou a bay cu sigur e
topiconan trata lo ta na bienestar di e paisnan
den Reino, mientras cu lasonan ta wordo
estrecha pa uni como paisnan ruman.
