Page 10 - HOH
P. 10
Dialuna, 26 October 2020 AWEMainta 7
Minister Andin Bikker a felicita Cuerpo Policial y Kustwacht
Situacion regional ta keda rekeri atencion
substancial di e aparato hudicial
AYERA mainta tempran Cuerpo Policial y Kustwacht, den
cooperacion estrecho, a logra intercepta varios persona y car-
gamento di substancianan ilicito. E intentonan regular pa pur-
ba yega nos isla sin wordo detecta ta subraya cu e situacion re-
gional ta keda demanda alerta continuo di e aparato hudicial.
Pesey a base di e maneho di Minister Andin Bikker, Gobierno
cu aprobacion di Parlamento y den cooperacion cu Hulanda,
a haci inversionnan substancial pa nos Cuerpo Policial (por
ehempel a re-introduci Radarkamer y Helicopter), Warda nos
Costa (facilidadnan nobo pa retene personanan cu status no
legal) y DIMAS (Asiel Units cu ta atende cu e peticionnan pa
asilo).
A haci cambionan pa tin leynan moderno pa atende cu e reto-
nan di migracion y asilo (AB 2018 no. 70, AB 2019 no. 40 y AB
2020 no. 94).
Tambe a introduci e maneho di Regreso Boluntario cu ta den
pleno ehecucion dor di DIMAS y GNC, hunto cu Departamento
di Aviacion Civil, Crisisteam Covid-19, Directie Buitenlandse
y ATA, a base di cual ya centenares di persona a regresa nan
pais y tin buelonan nobo plania den e simanan nos dilanti.
Minister Andin Bikker ta felicita e instancianan hudicial cu
un bes mas a desplega un tremendo trabou.
Ayera
A registra 10 caso
nobo di Covid
SEGUN e relacionista publico di Hospital tin 23 persona
mas a recupera, tin un total di 10 caso nobo di Covid-19, di
cual 2 ta no- residente, (“positivity rate” bou residente ta 5%).
E total di casonan activo ayera tabata 175, total di testnan
haci ta 297, testnan haci bou di residentenan na laboratorio
di hospital ta 165.
E total di casonan di fayecimento relaciona cu Covid-19 ta 36.
