Page 27 - ATA 5 Feb"15

Otmar Oduber: Proyecto ‘Postzegel Rancho’ cu potencial
grandi pa crea sinergia entre cultura y turismo

W ednesday, 04 February 2015 18:20
Comparti

Diaranson mainta Minister di Cultura Otmar Oduber a haya un presentacion for di e Fundacion
Monumento Aruba y Stichting Rancho, unda nan a presenta e plan y vision pa e proyecto ‘Postzegel
Rancho’.
Durante e presentacion Sra. Anne Witseburg a splica riba e importancia pa realisa e proyecto aki pa
mantentcion y preservacion di nos monumentonan y tambe pa conserva e herencia cultural di e area
aki. ‘E proyecto ‘Postzegel Rancho’ ta un proyecto cu lo ilustra un stampia di loke Rancho ta representa.
Como fundacion nos ta mira e proyecto Rancho como e area cu ta cuminsa na lama te cu Boliviastraat, cu
ta un pida cu ta coy solamente Ranchostraat , Visstraat, John G. Emanstraat y Emmastraat y den e
presentacion nos a introduci na e Minister di Cultura e potencial cu e blok a tin,’ Sr. Clifford
Rosa Director Stichting Rancho a bisa. Fundacion Munumento Aruba hunto cu Stichting Rancho y
stakeholders tin ya 2 aña trahando riba e plannan. Tambe a splica riba kico a wordo haci caba y kico ta
loke falta pa wordo haci den cuadro di e realisacion di e proyecto aki. Rancho ta un di e barionan mas
bieu di Aruba rico na monumentonan y tambe e tin hopi herencia no tangibel, manera ritualnan
tradicional, cu ta duna proyecto aki un balor mas grandi ainda y ta crea asina aki un coneccion entre
cultura y turismo. Por medio di e proyecto aki por mira e posibilidadnan cu tin unda e restauracion di un
blok di un bario manera Rancho, lo por presenta historia y preserve mihor, Sra. Anne Witseburg a
bisa. Pa Minister di Turismo y Cultura e proyecto aki sigur ta un balor agrega na e turismo di Aruba,
unda e combinacion di cultura y turismo lo crea un atraccion mas pa e clase bishitante di awendia cu tin
hopi mas interes den e historia y herencia cultural di e isla banda di e aspecto di lama y santo blanco.
Mas aun mirando e ruta di e tram saliendo for di e Cruise Terminal, unda e unico cu bo ta encontra
na caminda ta un serie di monumentonan, yena cu historia y cultura.

http://www.24ora.com/politica-mainmenu-18/91436-otmar-oduber-proyecto-postzegel-rancho-cu-
potencial-grandi-pa-crea-sinergia-entre-cultura-y-turismo

Dr. Ordoñez di DESPA cu mensahe pa esnan cu ta bai ricibi
bishita di nos region caminda tin chikungunya

W ednesday, 04 February 2015 20:06
Comparti