Page 28 - ATA 5 Feb"15

Dr. Maritza Ordoñez di departamento di Malesa Contagioso na Salubridad Publico, a splica den
conferencia di prensa kiko ta e caracteristicanan di chikungunya, ya cu esnan di dengue ta bon conoci na
Aruba. E virus chikungungya ta nobo den Caribe vooral na Aruba segun dr. Ordoñez y e sintomanan ta
similar tambe na influenza of griep.
E diferencia hopi grandi ta e dolornan artritico den cualkier joint sea enkel of otro. Un persona riba su
mes no por saca afo si e tin e virus aki of otro, pero e docter si por sa. Pesey e ta haci un yamada na tur
persona cu ta haya keintura halto, dolor di cabes, dolor den joints pa bai dokter di cas mesora, y a pidi e
dokternan pa den e melding pone e adres di e pacient y number di telefon, pa tuma contacto cune pa tene
accion.
No pensa cu pasobra bo mama tin dengue bo no tin mester di bai docter di cas. Tanten cu no haci un
diferenciacion di cuadro clinico y den testnan di laboratorio, e tratamento ta solamente paracetamol. Ora
e ta comproba cu ta chikungunya e tratamento ta full otro, dr. Ordoñez a bisa. Via e melding e
departamento por yama e persona dune conseho kiko e mes por haci, por ehemplo no sali for di cas, no
bishita otro hende, no cana meymey di hopi hende, pasobra ora e tin e viremia cu kiermen e replicacion
di e virus den su curpa e sangura por bin pike y pase pa otro hende. El a haci un yamada na tur persona
cu ta bai ricibi bishita for di nos region caminda tin chikungunya pa si e bishita ta bira malo den cas,
mesora bai dokter di cas y yama DESPA pa nan instrui GKMB pa bin controla y kita e ciclo di e sangura
cu tin e virus. Esaki ta e unico forma pa purba evita. Apesar cu tin casonan na Aruba e ta contento y ta
elogia DESPA y GKMB cu conhuntamente ta trahando hopi bon y bon por bisa cu Aruba ta bao control
compara cu tur e casonan cu tin p.e na Curacao.

http://www.24ora.com/local-mainmenu-5/91442-dr-ordonez-di-despa-cu-mensahe-pa-esnan-cu-ta-bai-
ricibi-bishita-di-nos-region-caminda-tin-chikungunya

Segun Lativa Mercera: Rash di chikungunya por parce
sarampi pero e ta compaña cu dolor fuerte di joints

W ednesday, 04 February 2015 20:00
Comparti

Den conferencia di prensa di DESPA relaciona cu e cifranan cu tin te aworaki riba casonan di dengue y
chikingunya, Lativa Mercera di Malesanan Contagioso a splica cu manera Eugene Maduro a bisa, den
region di Caribe e casonan ta aumentando.