Page 11 - FDLP
P. 11
Diaranson, 30 Mei 2018 AWEMainta 25
Deporte
FC Porto y United ta parti punto den Playoff Division Uno
DIADOMINGO 27 di mei 2018 a tuma
lugar den Stadion Frans Figaroa na Noord e
clash entre FC Porto y United, FC Porto ta bin
di un victoria riba e equipo di RCS cu e score di
5-0, mientras United nan wega ta keda cancela
contra di Brazil Jrs.
Na di 6’ di wega Jimmy Luzardo #7 riba su
camiseta ta logra habri e marcador pa hiba su
equipo FC Porto ariba 1-0.
N’e prome 45’ nan di wega ambos equipo a sa di
crea algun oportunidad di gol, pero t’e equipo di
FC Porto a logra di habri e marcador, cu e score
di 1-0 pa FC Porto ta bay sosiego.
Den e di dos parti di wega e equipo di FC Porto
ta pone basta presion caminda cu riba un huga-
da dilanti gol e hungador Michaelangelo Wild
#18 ta lora un bala caminda e bala ta dal den
pia di e defensa di United y bay den gol, p’asina
FC Porto bay’riba 2-0.
Riba un tiro di skina p’e equipo di United, bala ta
rebolta dilanti gol caminda e hungador Michael
Molinares #7 ta kop e bala y asina deposite den
net na di 64’ di wega pa corta bentaha 1-2.
E equipo di United ta sigui presiona y ta pro-
becha caminda e equipo di FC Porto ta cay den
defensa y asina ta duna United espacio pa crea
algun bon oportunidad y den un atake di Unit-
ed ta foulia un hungador na rand di doelgebied
caminda refree no a basila y ta pita pa un tiro
directo, Miguel Suarez #10 ta cobra e tiro ca-
minda e ta los un fusil fuera di alcanse di e por-
tero di FC Porto p’asina empata e wega na 2 gol.
Final di e wega ta keda den un empate FC Porto
vs United 2-2.
