Page 8 - FDLP

22 AWEMainta
Den un wega sin pena ni gloria
Britannia a empata cu Nacional danki
n’e heroico wega di Kendrick Dania
NACIONAL enfrentando Britannia den e di dos rond di
play-off ta un alivio p’e fanaticada di Futbol considerando
e debacle cu nos futbol ta pasando aden relaciona cu e caso
Jean-Pierre van der Linden. E situacion fastioso ey cu no a
wordo resolvi na tempo y ya a afecta e clasico di Aruba; Da-
kota vs Estrella, unda cu e wega a wordo cancela te otro aviso
(ultimo ora nos a tende cu e caso a wordo dicidi na fabor di
Estrella y e wega contra Dakota lo tuma lugar ayera nochi.
Nacional cu un victoria lo consolida nan prome lugar
riba e tabla di clasificacion di Play-Off wardando kico
lo pasa cu Estrella den nan wega contra Dakota.
Britannia en cambio mester saca punto den e
wega aki pa drenta den contencion den Play-
Off.
E wega riba su mes a laga di desea. E no ta-
batin ningun contenido, pa loke ta bon fut-
bol.
Britannia a bin pa hunga Nacional “igual-
igual”, bon, pero Nacional a bin ta hungando
un wega completamente diferente cu nos ta
custumbra di mira di e Dragonnan.
Den e prome tempo loke tabata falta di tur
dos ekipo tabata velocidad, mas pa Nacio-
nal. E tabata un bunita wega di toke, poce-
sion, cu bastante espacio, asina facilitando e
wega bistoso aki. Esey ta loke nos a spera di
Britannia, pero no di Nacional.
Diaranson, 30 Mei 2018
Deporte
Di Nacional nos a spera un wega fisico y intenso, cu velocid-
ad halto. E chens di gol mas cla den e prome tempo y kizas di
e wega tabata pa Nacional na minuut 17, unda cu e portero
di Britannia Kendrick Dania a sabi di haci su mes e heroe pa
su ekipo.
E wega a sigui di banda pa banda cu Nacional cu mihor pen-
etracion, pero e wega ta keda empata ora cu halftime a bay
aden.
No ta mucho a cambia den e di dos tempo, e wega
a keda habri cu bon toke di bala, pocesion y cu al-
gun yegada di ambos banda, un wega bistoso te na
un punto, pero gol si tabata haci falta. Un wega
sin ningun clase di coordinacion, cu ta motibo
tambe cu hopi hende no ta yega stadion.
Ta algo cu mester atencion y urgentemente, es-
aki ta Play-Off!
Kendrick Dania di Britannia, atrobe, pa salba
su ekipo. Casi na final di e wega, na minuut
92, den tempo di descuento despues di un
tiro liber, Nacional ta haya chens atrobe ora
cu e bala a pika y lora den area chika, dilanti
linea di gol, pero niun hungado di Nacional no
por a just touch e bala pe drenta.
‘Man of the Match’ ta sin duda tabata
Kendrick Dania cu a sobresali den e
porteria di Britannia, “clean sheet” pa
Dania, masha pabien!