Page 10 - Extra

10 Djaluna 7 Mart 2016

DESGRASIA DI TRAFIKO KU BASTA HERIDO
KRALENDIJK.-
Alrededor di 7 herido
tabatin den un desgrasia
di tráfiko grave ku a
tuma lugá ayera nochi
riba kaminda di Rincon
na altura di e bario
Bonabista. Dos ambulans
a presentá i nan mester a
tira mas ku un kareda pa
hòspital pa transportá tur
e heridonan, entre kua un
dama ku leshonnan serio
na su kabes.

E melding di e aksidente
aki a yega warda di polis
banda di mitar di diesun
ayera nochi. Mesora a
dirigí tur patruya polisial
disponibel pa e sitio
di aksidente, teniendo
kuenta ku tabata papia di
basta herido.

Dos ambulans a
presentá.

E aksidente aki tabata
entre un djip i un outo di
famia. E herido ku tabata
parse mas grave tabata e
dama ku tabata koriendo
e djip. E so tabata den e
vehíkulo aki ku a dal den
un outo di famia den kua
tabatin seis okupante
inkluyendo e shofùr
maskulino.

Tres dje okupantenan
por a sali di nan mes for
di e vehíkulo, miéntras ku
personal di bombero ku a
presentá na e sitio a hasi
uso di nan ekiponan pa
kòrta e vehíkulo pa aliviá
sigur dos di nan.

E fotonan ta mustra e
situashon ayera nochi na
e sitio di e aksidente.

PENSA GANA UN BIAHA MAS EKSITOSO

WILLEMSTAD.- E konkurso di Pensa Gana ku EXTRA a
resultá un biaha mas eksitoso. Masha hopi hende for di
fin di aña pasá a yena nan formulario i ayera e kampaña
a yega na su fin kaminda a parti 15 mil florin entre 9
ganadó. Riba foto por mira e kantidat di formulario yená.