Page 30 - MIN.SOC MAY 5

Explora e posibilidadnan di empleo durante “Career Fair” di The Ritz-Carlton,
Aruba

Publication: Tuesday, 5 May 2015. Categoria: General

ORANJESTAD (AAN): Tur dia tin un oportunidad pa crea experiencianan extraordinario
trahando na The Ritz-Carlton. E damas y cabayeronan di The Ritz-Carlton, Aruba kier introduci
nan servicio legendario durante di e prome Career Fair cu e compania prestigioso aki lo organiza
Diasabra dia 9 di mei 2015.

E Career Fair lo bai enfoca riba e experencianan laboral di e Damas y Cabayeronan di The Ritz-
Carlton, Aruba.

Durante diferente presentacion y interaccionnan cu e ekipo unico di profesionalnan di servicio
hotelero e obhetivo di e Career Fair lo ta pa crea entusiasmo den nos comunidad local pa asina
nan conoce e posibilidadnan di empleo di The Ritz-Carlton, Aruba.

Cuminsando pa 10’or di mainta The Ritz-Carlton ta habri su portanan di nan prestigioso
ballroom pa asina duna un caluroso bon bini na esnan interesa den e Career Fair. Ta bai tin e
oportunidad pa por papia cu e trahadornan di diferente departamento manera F&B,
Housekeeping, Front Office, Casino, Recreations etc. cu lo ta presentando mas informacion di
nan trabou na e stacionnan cu ta bai tin presente.

Despues algun di e Damas y Cabayeronan, entre nan “management team”, lo duna un
presentation chikito over di nan experiencia laboral. Entretenimento lo ta encarga den man di un
DJ pa asina por disfruta di un evento informativo pero tambe yena cu’n bon ambiente.

Esaki ta un oportunidad pa bo haya sa mas di The Ritz-Carlton su cultura y asina realisa si bo
kier uni bo mes na e Damas y Cabayeronan cu ta “The Art and Soul of Hospitality”.

http://www.diario.aw/2015/05/explora-e-posibilidadnan-di-empleo-durante-career-fair-di-the-ritz-
carlton-aruba-2/