Page 13 - aaa 29 june 2015

4 AWEMainta Dialuna, 29 Juni 2015

Riba ruta pa Barcelona, Spaña

Airbus di Avianca
a hay’e den un
turbulencia,
lagando como 7
pasahero herida

Mester a haci un aterizahe di emergencia

UN avión di e compania di aviacion Colombiano, Avianca cu a lanta buelo diabierne

anochi for di Bogotá cu destino e ciudad Española di Barcelona, mester a haci un
aterizahe di emergencia n’e isla Caribense, Corsou, debi na un turbulencia fuerte cu
a causa cu varios pasahero a keda herida.
Vocero di Avianca, Gilma Úsuga a confirma e noticia aki pa Caracol Radio cu e buelo
018 di Avianca, un Airbus-330, a experimenta un fuerte turbulencia ora cu e avion
tabata bulando riba Venezuela cu a causó varios golpi n’e biaheronan y e capitan a
dicidi di haci un aterizahe di emergencia na Corsou.
Aki e pasaheronan cu a keda herida, a haya atencion medico.
Por lo menos como 150 pasahero di e buelo mester a keda acomoda den hoteles di e
isla na Corsou, mientras cu algun otro pasahero a permanece na Aeropuerto di Corsou,
hayando asistencia di cuminda y pa por haci algun contacto telefónico.
Diasabra ultimo, den oranan di atardi, e avion Airbus 330 di Avianca a lanta buelo
bek pa Barcelona, ciudad situa na este di España, segun informe di parti di EFE.