Page 11 - DESPA_Neat

Sra. Arends a sigui splica cu durante vakantie nan ta bay ta hopi activo. Nan tin
diferente compania cu a acerca nan, pa duna charla durante vakantie, ya cu nan
sa cu e ora nan tin tiki mas tempo pa duna charla na companianan. Pa FADA e

ta bay ta un vakantie hopi activo y hopi druk pa nan.

Si tin cualkier otro grupo cu ta interesa den charlanan di FADA, nan lo hinca
algo den otro pa nan. Contact FADA libremente. Nan ta traha normal den

vakantie, nan tin luganan ainda habri, pa gruponan di scout, otro companianan,
of familiarnan cu ta keda cu nan subrina, primo y si nan no sa kico pa haci, nan

por bay na FADA y cu mucho gusto lo atende nan.
Tin hopi interes, aunke scolnan ta hopi mas facil ya cu e docente ta mira e
importancia di e informacion y e charlanan. Aunke poco poco e comunidad mes

ta acercando y ta busca informacion na FADA. No precisamente mester ta den
grupo, e por ta un mucha so por ehempel. Poco poco ta ripara cu e interes ta

lantando pa haya mas informacion y nan ta hopi contento cu esey, segun Sra.
Rulienne Arends, di FADA.

http://masnoticia.com/campana-paga-tino-exitoso-na-tur-scol/

Varetza Damon: Tin cu sigui cu e programa di educacion
sexual na scol

Friday, 30 June 2017 19:12
Comparti

Varetza Damon ta traha na ministerio di Salubridad, medio ambiente y naturalesa na Corsou. P’e tabata un honor pa e por a
duna un man den loke ta educacion sexual saludabel, pa nos hobennan. Un hoben cu desaroya salud riba tereno di sexualidad,
esaki ta nifica cu e ta contribui pa nos por baha e cantidad di embaraso hubenil y tambe malesanan transmiti sexualmente.

Segun Damon, den su propio forsa, esaki no lo por tuma luga. Pesey e lo papia di coleganan, pasobra den 20 minuut ta bula di
Corsou bin Aruba, di Aruba bay Corsou. E muchanan di Corsou por bin Aruba of vice versa, nan por namora, nan ta forma un
famia y si tur contribui den nan desaroyo sexual saludabel, nos tin un pais Corsou y un pais Aruba cu tambe por disfruta di