Page 13 - DESPA_Neat

e reservanan lo a agota enbes di 2013, pa 2014 y na 2013, gobierno a bay e ora cu un ronda di reforma mas grandi,
caminda cu entre otro a percura pa mas entrada, pero tambe a percura pa e proximo añanan, e gastonan no
aumenta, door di aumenta e edad di pensioen gradualmente te na 65 na 2024, y eseynan a duna cu e reserva di e
fondo no a agota na 2014 manera e proyeccionnan tabata premira, sino a bin e cambionan y tur aña ta evalua e
situacion financiero di e fondo y a conseha Gobierno pa si tin espacio financiero pa aumenta e pensioen, semper y
cuanto ta un decision di gobierno na final di dia y no di SVB. SVB ta administra fondo. Doño di fondo ta comunidad,
cu ta representa su Gobierno y e parlamento di Aruba y si esey a sosode ora cu a mira e espacio na 2016 y na 2017
tambe a mira un espacio cu por a duna un aumento. Tin cu bisa si cu na 2016 e crecemento economico no a resulta
locual tabata proyecta na prome instante, pero ta mirando cu 2017 tin mehoracion y tin e confiansa cu si e sigui asina
aki por sigui aumenta e pensioen di biehes. Cu tempo tambe ta ripara cu e gasto di e personal ta subi y e intencion ta
pa keda adapta e pensioen, pa asina e personal no perde su poder di compra.

Comentarionan (0)

http://www.24ora.com/index.php?option=com_content&view=article&id=123608:adaptacion-treci-pa-
gobierno-den-dialogo-social-a-scapa-e-fondo-di-pensioen-di-svb&catid=1:local&Itemid=5

Director di SVB tabata na Parlamento pa trata tema di
pensioen y e aumento di placa

Friday, 30 June 2017 19:25
Comparti

Edwin Jacobs tabata presente den parlamento. Tabata tin diferente tema cu a wordo trata referente pensioen. Y
tambe a trata pensioen di nos grandinan, di biehes, di huerfano. E director di SVB a conta di su presencia den
parlamento.

Diaranson e tabata den Parlamento, parti di e leynan cu tabata den parlamento ta un concepto di ley pa aproba e
aumento di e suma di pensioen di AOV y AWW cu a wordo otorga na comienso di aña pa oficialisa esaki. Ta 25 florin
cu ta duna na e aumento di pensioen di soltero y e 42 florin pa aumento di pensioen pa casa.

Dicon

E ley di AOV y di AWW ta duna e espacio pa aumenta pensioen cu e indice di prijs di consumo. Den caso cu no tin e
aumento ey den e indice di prijs di consumo, no por haci esaki cu un Landsbesluit, pero mediante un ley mes y esey a
sosode. Entre 1 di September 2015 pa 31 di Augustus 2016, e indice di prijs di consumo no a conoce un aumento. Por
lo tanto Gobierno no tabata por a duna un aumento mediante un landsbesluit, cual ta bay mas facil si pasa
Parlamento. Pero mester a duna e aumento aki mediante un ley. Door cu ta un aumento cu ta na beneficio di e
pensionado, Gobierno por anuncia esaki, anticipando e oficialisacion di e aumento, por otorga esaki. Esey a pone cu
den e pensioen di Januari cu a paga na December aña pasa, a inclui e aumento aki.

Na 2016 tambe a aument’e cu e mesun sumanan, pero e indice di prijs di consumo a aumenta y por a pasa esaki via
un landsbesluit cu ta bay Raad van Advies pa conseho y despues pa Gobernador pa e wordo promolga.