Page 15 - DESPA_Neat
P. 15
Varios di nan tin hasta convenio cu AZV, cu ta manda e pacientenan pa varios di
e institutonan aki na Colombia. E institutonan cu tabata presente tabagta Clinica
Imbanaco (Cali), Clinica Las Americas (Medellin), Clinica Shaio (Bogota), Oral
Laser (Medellin), Fundacion Cardiovascular de Colombia (Bucaramanga y
Fundacion Otfalmologica de Santander Foscal (Bucaramanga).
Cu esaki ta pa demostra cu Colombia ta un destinacion faborito pa cuido medico,
no solamente p’e islanan ABC, pero tambe for di varios pais Sur Americano.
Nan tin un infrastructura masha moderno y asina nos por a mira e Hospital nobo
di Fundacion Cardiovascular na Bucaramanga, cu e mas ultimo equiponan
moderno pa dnuna mihor cuido medico.
Nos tabatin un solo pregunta, si mira cuanto placa mandamento di paciente pa
Colombia ta costando AZV, pakico extende e acuerdo cu e instituto mediconan
aki, unda nan por manda nan dokternan specialist sikiera un bes pa luna Aruba,
pa atende algun di e pacientenan na Aruba mes.
Haci manera a haci e proyecto di prueba cu Hospital di Maastricht pa haci
operacion cardiovascular na Aruba mes, cu tabata un exito, pero segun
Gobierno, debi cu esaki tabata costa demasiado placa, no a sigui cu Maastricht,
pero a keda di delibera cu otro institutonan medico na Hulanda, pero te awe
nada.
Anto pakico no sondea un cooperacion cu e institutonan Colombiano aki?
