Page 12 - AM SEPT 17 2020
P. 12
12 AWEMainta Diahuebs, 17 September 2020
Quota International of Aruba a
inicia su “Siman di Kibra Silencio”
E aña aki ta di 31 aña cu Quota ta ofrece e oportunidad pa haci
testnan di oido gratis, y sin mester un” verwijsbriefje”, na comuni-
dad di Aruba.
Quota su lema e aña aki ta: “Cuida bo mes, cuida bo oido”.
Teniendo cuenta cu Covid su protocolnan, e apertura a tuma lugar
cu un minimo di persona n’e oficina di FEPO.
Sra Jurette Croes, Relacionista Publico di DVG, a acepta di ta e VIP
pa haci e prome test di oido pa inicia e “Siman di Kibra Silencio” .
Quota ta gradici FEPO y The Specialist (antes Optica Oduber &
Kan) pa nan cooperacion pa hopi aña caba pa haci e testnan di oido
durante e “Siman di Kibra Silencio “.
FEPO Y The Specialist ta aplica tur medida nececario di hygiene y
ta atene nan mes na tur Covid protocol.
P’e motibo aki tambe e cantidad di cita e aña aki ta limita.
Presidente di Quota, sra. Farida Feliciana Figaroa a gradici sra.
Jurette Croes p’a acepta di t’e prome persona pa test y a entrega
sra Croes , como aprecio, un Quota Care Bear naturalmente e care
bear tambe cu su tapaboca.
Presente n’e ocasion aki tabata: Jurette Croes, Relacionista Publico
di DVG; Farida Feliciana Figaroa, Presidente di Quota Club Aru-
ba; Mariela Nava-Figaroa; Directora di Servicio; Kristel van Nes,
Office manager na FEPO y Olga Versteeg, Logopedista na FEPO.
