Page 13 - flip min.sja

Minister Paul Croes a gradici tur Dominicano residencia na Aruba durante nan
celebracion
Monday, 02 March 2015 00:00
Comparti

Historia y cultura a wordo intercambia durante un mainta di celebracion ora cu a tuma lugar un
ceremonia protocalario den conmemoracion di e 171 aña di Inpendencia di Republica Dominicana.
Durante e celebracion aki diferente dignatarionan a hasi acto di presencia hunto cu consul di Republica
Dominica na Aruba sra Joslin Rosario de Rosa.
Minister di Asuntonan Social, Hubentud y Labor drs. Paul Croes den nomber di gobierno di Aruba a hiba
palabra dirigi na tur e Dominicanonan residencia na nos Pais.
Durante su discurso Minister Paul Croes a bisa cu pe ta un placer y honor pa representa Gobierno di
Aruba y den nomber di Promer Minister di Aruba mr Mike Eman ta felicita tur e residentenan
Dominicanonan di Aruba y rond di mundo.
Un dia conmemorativo manera e celebracion di e independencia di un Pais unda hopi a duna nan bida,
energia y amor pa nan patria.
Minister Paul Croes a felicita e consul di Republica Dominicano na Aruba, sra Joslin Rosario de Rosa, pa e
bon trabou cu e ta eherciendo pa su comunidad y mas cu tur e forma cu ta laganan integra den nos
sociedad na Aruba. “ Tin mas di 100 nacionalidad cu ta biba den un forma harmonioso riba nos isla. Nos
ta conciente di nos diversidad, pero mi kier for di profundo di mi curazon enfatisa e fortalesa cu tin den
nos unidad pa e futuro generacionan cu tin riba nos isla” asina minister Croes a hiba su discurso.
Ela felicita e comunidad Dominicano y a finalisa cu e grito di “Dios Patria y Libertad” .

http://www.24ora.com/politica-mainmenu-18/92393-minister-paul-croes-a-gradici-tur-dominicano-
residencia-na-aruba-durante-nan-celebracion