Page 14 - flip min.sja

Minister Paul Croes: Mi kier sigui apoya Fundacionan Social a lo
maximo

Monday, 02 March 2015 00:00

Comparti

Minister di Asuntonan Social drs. Paul Croes a bisa durante introduccion di e Feria Social cu e kier sigui
apoya e fundacionan cu ta resorta bou di su Ministerio a lo maximo.
Minister Croes ta consiente cu 2014 no tabata un anja facil, pero Minister a bisa cu den un forma creativo
y hincando hopi tempo den su trabou, Fundacionan lo sigui ricibi e sosten financiero for di Gobierno di
Aruba. "Tin varios cos canando na mesun momento. Nos kier hasi e proceso di subsidio uno mas
transparente y nos kier pa e ta "output gericht". Na mesun momento mi kier mira un coperacion mas
estrecho cu e fundacionan cu ta resorta bou di mi Ministerio. Ta trata di mas di 30 fundacionan. Tin hopi
cos cu nos por hasi hunto y mi tei pa apoya nos fundacionan a lo maximo cu mi por", e titular di
Asuntonan Social a agrega. Feria Social ta un bon ehempel di esaki. Cada Fundacion cu ta participando lo
recibi e suma di 15.000 florin adicional. Esaki lo monta riba un suma total di mas di 350.000 floin pa
fundacionan na Aruba.
Minister Croes a bisa tambe di lo desea di yega na un acuerdo finalmente cu Casa Cuna y tambe
fundacionan cu tin atraso riba e control di e cuentanan anual y un eventual verekening. "E proceso aki ta
canando hunto cu Colega Bermudez di finanzas. Nos ta deliberando e mihor forma pa resolve esaki den
un forma structural tambe", Minister Croes a bisa.

http://www.24ora.com/politica-mainmenu-18/92381-minister-paul-croes-mi-kier-sigui-apoya-
fundacionan-social-a-lo-maximo