Page 69 - KPA 12 OCT 2015

Homber a maltrata otro cu balki rond di su curpa na Ponton

Publication: Monday, 12 October 2015. Categoria: Policial

ORANJESTAD(AAN)– Patruya di Playa a wordo dirigi pa Hua Run Super Center pa un caso di
destruccion y na yegada e patruya a wordo mustra riba un grupo di hende na Excellent Hardware
& Home Center . dilanti e negoshi tabata tin mas o menos 20 persona den un kring y mey mey
tabata tin un persona wanta pa dos homber. E homber na suela tabata JDCG.

E patruya e tuma e homber over di e dos personanan y a detene.

Un testigo a declara cu el a mira e sospechoso core tas di un persona cu un balki den su man.

E sospechoso a dal e homber cu e bali y despues dal riba su auto, un lexus TS 330 color di plata
A 51369.

Despues patruya a papia cu e victima, e homber RH cu a declara cu e tabata di bishita den
vecindario y cu e bisiña OAA a core sali na gritamento y e sospechoso tabata core su tas.

E sospechoso a trata di dal OAA cu e balki y a dal esaki riba e auto Toyota Yaris shinishi A4244.
RH a trata di calma e sospechoso y esaki a dal RH cu e balki riba parti ariba di su man robez.

RH a trata di evita maltrato y a core bay ariba direccion di Hardware & Home Center.

Riba lugar di staciona auto e sospechoso a dal RH varios biaha riba su curpa cu e balki prome cu
RH a logra drenta e negoshi. Seguidamente e sospechoso a wordo gara door di e dos
personanan den cercania y nan a tir’e riba suela y want’e te ora cu polis a yega.

RH a wordo hiba policlinica na hospital cu ambulance pa tratamento medico y e sospechoso a
wordo hiba warda di polis. E bali a wordo confisca y tambe hiba warda.

http://www.diario.aw/2015/10/homber-a-maltrata-otro-cu-balki-rond-di-su-curpa-na-
ponton/