Page 70 - KPA 12 OCT 2015

Tironan scucha na varios caminda

Publication: Monday, 12 October 2015. Categoria: Policial

algun auto a keda confisca y detencion a cay

ORANJESTAD(AAN)– Durante fin di siman tabata tin tiro scucha na diferente parti di nos isla.
Diasabra 2 or di madruga polis a bay Alto Vista unda na altura di Kapel di Alto Vista un grupo di
verkenner tabata campa. Na dado momento cu nan tabata ma soño nan a scucha algun tiro di
arma di candela y a mira un auto blauw sali direccion di bario di Alto Vista .

Patruya di noord a bay na e lugar y a topa cu varios buraco di bala den bari di sushi y tambe a
haya dos cartucho den vecindario.

Tur otro autoridadnan a wordo poni na altura di esaki y mes ora investigacion a tuma lugar.
Varios patruya a core rond den Alto Vista buscando e auto y poco despues unidad mobil di polis
M.E. a haya e auto cu e sospechosonan y a detene nan. Tambe a haya armanan di candela.

Den otro articulo por a lesa cu na Tamarijn a bay cu varios auto relaciona cu investigacion
tocante armanan di candela cu a wordo haya.

Diasabra madruga tambe mas o menos 5.30 or tironan a wordo scucha den vecindario di
Driemasterstraat na altura di Coco Bongo. Polis a wordo manda pa Las Calenas y a haci buskeda
den vecindario pero sin topa cu algo particular.

Diasabra anochi 8 or mas o menos patruya di Playa a bay tambe den vecindario di Solito na
altura di Convenience Store unda un habitante a scucha varios disparo. A haci control den e bari
pero no a mira ningun hende riba caya. Polis a core tambe den Sero Blanco y Sero Patrishi sin
topa hende, y a pone central na altura di esaki.

http://www.diario.aw/2015/10/tironan-scucha-na-varios-caminda/